رُكْن النهاية

انت اللـي اختـرت بيـدك ، سكّـة الفرقـا
لا تزرع الشوك ، وتقول / آلـم اقدامـي !!




دام الظنـون إحــدرت وفراقـنـا يـرقـا
سلّم على احساسك وسلّم علـى أحلامـي ..

مـا تختلـف وجهتـي ، دام السمـا زرقـا
لو جف نبع الشعـور ، وجفّـت اقلامـي ..

عرفني اكثر من انه كـان عارفنـي
،،،،،،،،،،،،،لقاني اكبر من اللـي كـان تقديـره

يامـا جرحنـي ولكـن مايخالفنـي
،،،،،،،،،،،انا ابن هذا التراب وعشت من خيره

وانت .. انت لازلت ياوجهٍ موالفنـي
،،،،،،،،،،،،،،تشوفني أبعد مـن الشـك والغيـره

ثار السكون وبالسماء لمعة بـروق
زمة سحابـة وامطـرت ذكرياتـك

هلت مدامع حسرتي وابرض الشوق
ابكي جنوني فيـك واذكـر ثباتـك

فز النهار وكـن هالليـل ملحـوق
والنوم حتى النوم سـوى سواتـك

ياسارق أحلامي تماديـت بالبـوق
عني وعن هالوضع طـال إلتفاتـك

ماللحـزن معنـى وماللـنـدم ذوق
اللي حصل تعبير عن حسن ذاتـك

جيتك بقايا حيل في قلب محـروق
وشلون هديت السكـون بحصاتـك

الــفــكــر شـــارد وانـــا ودي ولا ودي
والـعـمـر مـحـدود والانـفـاس محـسـوبـه

وأنـــا مــــن الـعـقــل مـتـعـشـي ومـتـغــدي
والـحـمــدلله أعـــــرف الــدهـــر ودروبـــــه

والله فــلا أطـمـع بـثــوب مـايـجـي قـــدي
يـوم أكثـر النـاس دايـم مسبـل ن ثـوبـه

وشلي على اللقمه اللي في طرف يدي
ما أقـدر عليهـا وهـي مـا هيـب مكتوبـه

كــم واحـــد يـحـسـب إن الـلــوم مـتـعـدي
والـلــوم غـآشـيـه مـــن راســـه لـعـرقـوبـه

نتـبـع ظــروف الـزمـن ونجـيـب ونـــودي
ونــقـــوم ونـطــيــح كـــــل دون مـاجــوبــه

مـا بيـن مــوج البـحـر والـجـزر والـمـدي
تبقى الثقة حاجـة فـي النفـس مطلوبـه

حتى لو إن الظروف تسيـر فـي ضـدي
لابـــد تـرجــع ظـــروف الـوقــت مغـلـوبـه

ورث ورثـتـه ورثــه أبـــوي عـــن جـــدي
ماهين نفسـي ورى اللـي ينفـخ أجنوبـه

أعــــز نـفـســي وأنــــا مـانـيــب مـنـحــدي
الأمــر لله وبـــاب الـــرزق مـــن صـوبــه

مـا بيـن مــوج البـحـر والـجـزر والـمـدي
تبقى الثقة حاجـة فـي النفـس مطلوبـه

أسـايـر الـوقــت واثـــر الـوقــت مـتـحـدي
يـطـرح ويـجـرح ونــار الـمـوت مشـبـوبـه

لا..واعسـاهـا سحـابـة صـيــف وتـعــدي
الهـاجـس الـلـي يـلـوف القـلـب ويـلـوبـه

امــوت وارحــل ودمـعـي مـاوطــى خـــدي
حـتــى لـــو الـــروح مسـلـوبـه ومنـهـوبـه

ياهاجسي ذا لليل لليل الشعر مافيها كلام
دور على جزل البيوت العصم لين تعينه


وان كان ماعندك اللي ما توليه اهتمام
فــقـفـل مجاله واصرف التفكير من ذالعينه


اما حضور مايجي عقبه مشاريه وملام
ولا غياب يكفي الشاعر ملام الهينه


الشعر له باب وجواب وله مفاهيم ونظام
وحدود مسؤلية الشاعر ماهيب هوينه



والشاعر اللي مايزيد الشعر حشمه واحترام
ماهوب مكلوف يشوه صورته ويشينه


الابداع حجم الموهبه والبني فكره وانسجام
ان طاب ولا الناقد اقلامه ماهيب حنينه


والمستمع ماهوب يرضي ذايقته اية كلام
ولاكن اللي يمتلك الابداع وين تعينه



اما حضور مايجي عقبه مشاريه وملام
ولا غياب يكفي الشاعر ملام الهينه