»»يآ عصَآفيري’ .... خَذي’ قلبَي’ له و طَيري’..

صصوبآحكمْ ،/ مسآكم رآحةةْ بآل
.. ععآدْ تدرونْ وش اليْ مخلينيْ آنزل
هـ آلصور لاني من عشآق منتديآت تمير> قولي ق ق ق
المهم ابقول لكم السالفه مره من المرآت الي اتوقع نازل ع بأبأتي الوحي > ع قولت بعض الناسات =
سئلت بأبأتي قلت بما انك تروح القصيم و الحوطه وهيكا ماتعرف تمير قال الا اعرفها عز المعرفه قال فيها ربعنا فلا ن وفلان عاد انا ترى عرفت فلا وفلان
قلت له أنا وحده ابي اشوفها يمدحونها وأمنيه اشوفها وجلست انا وياه الظاهر ساعتين وانا امدح واترجى جعلك بل جنه وكيذا ابي اشوفها ابي اغير جو بما انو الاختبارات ع الابواب << للمعلوميه السالفه قبل العطله بكم اسبوع
مليت من الاختبارات والمذاكره ومع كم دمعه يعني ني طقت تسبدي"
المهم قال اخاف مشغول وهيكا قلت لو ساعه جعل الي تحبهم وانا بل جنه هههه
المهم يوم جاء يوم من الايام الصراحه مااذكر اي يوم بس كان قبل الاختبارات باسبوع قال يالله وش رايكم نروح لتمير طبعآ الكل فوق راسه علآمة استفهام وش كبرها
الا انا اطمر عليه وحب راسه يالله ياالله >> خفت يهون عن الروحه وانا ماصدقت المهم >> يا كثر ماقلت المهم هههههه
وش رايكم اخليكم مع الصور المهم


.
.
أول مادخلنا تمير ووأخذنا نتمشى فيهآ


















الحين هذا مسجد توراثي ولآ..! ماماتي متحمسه تقول خلونا نصلي فيه المغرب قال باباتي يمكن مافي قسم حريم > ابو التصريفه عليه ههه









بعد ماخلصنا تمشيه طبعآ لازم بقاله ودخلنا بقاله و وربي ذكرتني بل حمود الي في العويس مره خطيره ومليانه بس قهر مااذكر اسمها الي يعرفها يقول لي





انآ هينآ تربعت كل شي ولا اشوف معمول يمي ي ي اقتلوني عنده تخيلت معمول أنوشه ع قولت خيتو انتي فيك عرق عجز لبي العجز الي يآكلون معمول مثلي هوع





بعد ماطلعنا مرينا ع حديقه احسها وسط البيوت بس ماكانت ذاك الزود لانو ماكان فيها العاب بزران وهيكا بس جذبني هذا ايش بآلله ..!! وحده من البنات لما شافتني حاطه هذا المنظر صورة عرض قالت رحتو للكويت ولا علمتيني :) قلت لها ايه ووصلنا بعد ههههه وصدقت




طلعنا من الحديقه ورحنا لاحديقه احسن بكثير ومره خنفشاريه وربي شي اهم شي المسدس .. وترى سميتها حديقة المسدس ههههه اترككم مع صور حديقة المسدس لانو تربعنا فيهآ بس جد حركة المسدس معطيه الحديقه منظر خيالي .


هذآ مكان الي تربعنآ فيه



خرابيطنآآ أهم شي بيآلة الشاهي > مايتحرك باباتي الا ترمس الشاهي معه












8
ولله يا أنا لعبت فيها لعب احسس لو تتكلم كان قالت ارحميني وناصه مافي احد والعب ع كيفي احس كانها حديقتنا ماعندك احد الا صوت السيارات








الصور الوداعيه




.
.

وبس خلصت رحلتنآ الجميله لمدينة تمير بس جد مدينه روعه هاديه كل شي فيها منظم ورايق وأخيراااا تحقق وشفت تمير رحله ماراح انسها ابدا

اي صوح نسيت ابقول لكم موقف سويته باا خيو الصغيرون هبلنا يبي يطلع فوق ويطالع المسدس
جتني فكره خنفشاريه
قلت تدري ليه حاطين المسدس عشان اي بزر مثلك يطلع فوق يرميه قال ليه مانسوي شي < رحمته هينا بغيت اصيح معه ههه
قلت بكيفك اذ طلعت فوق
ترى المسدس بيرميك ويالله عاد بيودونك للمستشفى وبعدين تموت و جلس يصيح الضغيف نكدت عليه روحته
مسكين راح يسئل باباتي يقول صدق يرمي هذا المسدس وانا ميته ضحك عليه
بس جد نجحت الفكره وبقوه

اتمنآآآء لكم متابعه ممتعه ..
كل الود لاروحكم الطاهره

عندما أريد أكتب عن مشاعري.. أحاسيسي .. تتبعثر الثمانية والعشرون حرفاً وتنعدم فائدتها
ف: أكتفي بالصمت
ليس لاشيء ربما لانه لايوجد شيءُ يحكى عنه .. ..

هلا اختي زهره ونورت تمير بوجدكم انتي والاهل
والحمد لله انها عجبتكم وان شاء الله يكون لكم زيارات ثانيه وتتجولون في فياضها وربيعها ..

بالنسبه للمسجد مبنى شكلياَ على الطريقه القديمه والا هو مسلح ومبني من خرسانه وبلوك ..

واما الحديقه الي رحتوا لها حنا نسميها دكات البندق يعني صح عليك والبندق هذا معلم واضح للديره
وياويل الي يلعب فيه << ترى بنثور فيه

والله يحييكم وان شاء الله نشوف تكررا الزياره عن قريب..

اقتباس: المشاركة الأصلية كتبت بواسطة أبـوحـمـد    هلا اختي زهره ونورت تمير بوجدكم انتي والاهل والحمد لله انها عجبتكم وان شاء الله يكون لكم زيارات ثانيه وتتجولون في فياضها وربيعها .. بالنسبه للمسجد مبنى شكلياَ على الطريقه القديمه والا هو مسلح ومبني من خرسانه وبلوك .. واما الحديقه الي رحتوا لها حنا نسميها دكات البندق يعني صح عليك والبندق هذا معلم واضح للديره وياويل الي يلعب فيه << ترى بنثور فيه والله يحييكم وان شاء الله نشوف تكررا الزياره عن قريب..

أهلآ أهلآ ب طيب
اولآ مشكور ع حظورك الجميل لمتصفحي منور..
تمير منوره بآهلها الطيبين مثلك ..
مره مره مشاءلله حلوه .. اي ان شاءلله يمكن بعد عشرين سنه ان ربي عطانا عمر بس اهم شي عندي شفتها
أهآ الصراحه المسجد شكله جميل مره ..
هههههههههههههه اجل نفس احساسي اسمها مسدس ..بندق كلها سوى هع
اومآ تثورون فيها اجل محد ب جاي لكم هههههههههه

ماشاءلله رووعه الصور
من جد اتمنى وامنيتي اشوففها حبيتها لاآني تعلقت بالمنتدى والآعضاء
مع اني عارفه من المستحيل بشوفها بس حلو صورتي وسدحتيها هون نشوفها
اوما جلستكم مره تفتح النفس وحلووةة
دووم الوناسسه يابعدههم
وآصلي متاآبعه لكك..~

اقتباس: المشاركة الأصلية كتبت بواسطة لميس    ماشاءلله رووعه الصور من جد اتمنى وامنيتي اشوففها حبيتها لاآني تعلقت بالمنتدى والآعضاء مع اني عارفه من المستحيل بشوفها بس حلو صورتي وسدحتيها هون نشوفها اوما جلستكم مره تفتح النفس وحلووةة دووم الوناسسه يابعدههم وآصلي متاآبعه لكك..~

حيآ ألله لموستنا الجميله ..
منوره ي بعدهم المدونه كل يوم نطي المدونه وعطريها بوجودك لاخلينا من هيك طله خنفشآريه
الي ولله يفتح النفس مرورك المدونه ي جميلتنا
وربي أنا كأنو حلم لما رحت وشفتها وماتوقعت باباتي يوافق أبدآ أبدآ بس مل
من كثر ما الح عليه انتي جربي لحي لين باتسر وبيقول فكيني خلاص خلاص ومن باتسر يروح بك

أشعر فقط بالبرد يلفني وسط حرآرة الخمسين التي تطلقهآ أشعة شمس الصيف*!
أشعر بآنفصآم أشعر كأن دموعي بعد قليل ستحل علي كضيف ضيف ثقيل يريد الطعآم*!
يريد أكل فرحتي بِشَرَه ، يريدني أن أموت جوعاً من الحزن يريدني ألّآ أنآم .
يؤرقني في ليآلي الذكريآت السرمدية بالأحلآم
حتى أتجمد بسلآم وأصبح كطَيف .
ياللسُخف .
.
.
لــ أحدهم ..

[glint]

ــــــــــــــــــــــــ
لا أعلم من أحتاج ومن الذي يجب أن يرحل من حياتي
لازلتُ فتاة في العشرينات لكن بدأ الشيب يكسيني من كثر همومي
محملة بهموم لاتٌطاق .. لكن صامدة كالجبال
أريد البقاء لـ أجلها هي فقط (أمي )
.. وأريد الرحيل بسببهم فهم من جعلوني سهلة الانكسار~

[/glint]

[glow1=000000]
“عجيبة هي الحياة بمنطقها المعاكس. أنت تركض خلف الأشياء لاهثاً، فتهرب الأشياء منك. وما تكاد تجلس وتقنع نفسك بأنها
لا تستحق كل هذا الركض، حتى تأتيك هي لاهثة. وعندها لا تدري أيجب أن تدير لها ظهرك أم تفتح لها ذراعيك،
وتتلقى هذه الهبة التي رمتها السماء إليك، والتي قد تكون فيها سعادتك، أو هلاكك؟”
[/glow1]

.
.
تكديس المشاعر في أدراج الكبرياء ليس إلا حل مؤقت لِ أنثى عاطفية جداً .. !