رُكْن النهاية

تعبت أڪثر من آللآزم ولا أقدر بعد أتعب
ألا يا طيبتي ڪآفي إلى وين توديني ..؟

يقولون كل طيّـب ياخـذه الزمـن ويمـوت

وانا اقـول يبقـى كـان نسلـه علـى ظنّـه

ترد اسمه اسبـاعٍ مـا تقنـع بفـات الفـوت
مـا تقصـر علـى لـو إنّـه وعـذر لكنّـه

ليا مرّ له طـاري تـرد الرجـال الصـوت
يامـال الوسـع فالقبـر والعـفـو والجـنّـه

ذرى المرجله ماهوب مـال وثـلاث ابيـوت
ولاهوب مسـرى الليـل ولا نطحـت الكنّـه

في بعض الامور اتعرف بان صاحبك سربوت
ويعجبـك واحـد مــا توقعتـهـا مـنّـه

وطويل الذراع اللـي شعـر شاربه مسلـوت
مثـل حاكـم أكبـر مملكـه منكسـر سنّـه

من البرد يقدر يدفـي الجسـم ثـوب وكـوت
لكّـن الوجـه لامـن بــرد مــا يدفـنّـه

يقولون دايـم والـردي مـا يجيـه المـوت
وانا اقـول يفنـى ميـر محـدن درى عنّـه !

اقتباس: المشاركة الأصلية كتبت بواسطة أبـوحـمـد    تعبت أڪثر من آللآزم ولا أقدر بعد أتعب ألا يا طيبتي ڪآفي إلى وين توديني ..؟

مرحبا مشرفنا القدير ابوحمد

زيارة غالية على قلبي واتمنى من الله العلي القدير ان نكون عند حسن ظنكم .

اهداء لشخصك الكريم

كم جرح خذْته من الأحباب.. ضمّيتـه

وجروح قلبـي زكـاة لْحُـبّّ خِلاّنـي

حادي الوجد وإن ضاقت عيون المدى
خلّ صدرك مثل صدر الشمال أجودي !

لاتموت الأماني والأغاني سدى
ما للأحلام بـ قلوب الأوادم ودي

شوفني كلّ ما أهتزّ الحنين و بدا
ينزح النوم و يزور السهر مرقدي

آتململ وأروح لما طرالي فدى
و آتذكّر وأنا جرح المفارق ندي

صبحه اللي توضّى من كفوف الندى
ليله اللي مثل طيبة هله سرمدي

دنّة النجر , صوت الفجر , بُعد الردى
ريحة الهيل قلبٍ للسهر محتدي

ماني أوّل غريبٍ من حنينه بدى
مرقب الليل يسجع بـ الغنا و يحدي

لو تشتّت بـ أرض الله بليّا جدى
لو تضيق الدروب بضيقتي و تعدي

لو غدوا ربعي الأدنين همّ العدى
ما تكاثرت فزعاتي و مدّت يدي

صاحبي صاحبي ياصاحبي ما هدى
قلبي اللي تحنّ ضلوعه لـ مولدي

صرت وحدي ينادمني حديث الصدى
صار مالي عدوّ إلاّ ( الزمان الردي )

كلّ ذنبٍ قدرت أستغفره ما عدا
ضحكةٍ ينبلج عنّابها بـ بردي !

جارة القلب وبيوت الوصال إحددا
قبل ما تقنب الفرقى و أهيم وحدي

عقبها ماعرفت ألقى لقلبي هدى
بعدها ما بذلت لـ وصل بنت إجهدي

صاحبي صاحبي ياصاحبي ما غدى
من بـ طهر الشمال و نجمته يهتدي

المدى ضاق والحادي جفاه الحدى
و النهايات مكتوبه .. قبل نبتدي

بعض الظنون أقرب من الواقع احيان
واحيان ابعد من خيالي وهقاويه

وصمت الرحيل أقسى معاناة الإنسان
مثل العمر لاراح ماعاد يمديه

دام التجارب خير من كل برهان
عرفت وش معنى الزمان وبلاويه

ياما تحملت العنا قدر الإمكان
اضحك وجرحي بين الأضلاع مخفيه

طال ليل الجفا والبرد فج الضلوع
بري حالي ، وانا توي صغيّر عمر


بعدها جتني جيوش اشتياقي جموع
ويل حالي ، وانا واحد ولالي مفر


آآه لو ماحدتني : عزتي والطبوع
كان ماكان ذا حالي وضحكي انتثر


كل ليل ارقب النجمه واهل الدموع
ولا ورا الدمع غير هموم قلب وكدر


اشهد ان المفارق لايع القلب لوع
واشهد ان ماورا ذا الحب غير القهر


سقت رجلي وانا ماحب درب الرجوع
محتزملي : بأمل كاذب .. وباقي صبر


يازماني ابنسى / غصب ولا بطوع
شفني اقفيت عنها / مابقا لك عذر

مدونة رائعه جدا بكل ماتحمل من اسطر مفيده

اردت الزيارة ووضع بصمتي هنا لعلي اجد من يزورني في ركني الهادي

‏أشكي على رب البشر لا تضايقت
الواحد اللي ما يخيب عباده

أغيب مع هم الليالي وإذا فقت
لقيتني بين الشقا والقراده

مدري غلاقة صدر ولا وطى مقت
بس المهم ان الوضع في زياده

منول الضيقات من وقت لا وقت
واليوم صارت ضيقة الصدر عاده