نشيد كنت تحبه أيام الطفوله ؟؟
كنت احب نشيد افتح يا سمسم ابوابك ونشيد صف اول وثاني
شخصيه كرتونيه كنت تحبه؟؟
كنت ومازلت احب توم وجيري وعدنان خوي لينا ياحبي لعدنان يبرد التسبد اوه بس
كيف كنت ايام طفولتك شيطاني ولامؤدب ؟؟
في البيت مربوط بحبل ههههه وفي المدرسه كن على راسي طير
ماهي الموقف اللي عرضت فيها او فيه اهلك للاحراج؟؟
يعني لازم فضايح ...
كسرت قزاز سيارة ومرة سرقت سيكل وأشد وحده اتهمت واحد بالسرقة >> بلاغ كاذب
هل كنت شخص ذو شخصيه قويه أم مغلوب عليه ؟؟
ماخذن حقي خاصة مع اخواني اللي اصغر مني
يوم كنت طفل تلعب بكمبيوتر العائله ؟؟
العب كوره بس وابرم بالسيكل في الشوارع اما الالعاب ذي ما احبها لانها ترفع الضغط >> سالم من شر
كيف تصف طفولتك بجمله واحده ؟؟
براااااااااااااااءه وسعيده لأني كنت مدلل شوي
افضل لعبه كنت تلعبها ؟؟
كوره قدم
اصعب موقف مر عليك ايامها ؟؟
اووووووووه ردينا للفضايح
اصعب موقف مره طاح في ابوي وانا ادخن وطب في ضرب الين بغيت اموت >> إهئ تتتن
يوم كنت كنتي تلبسين مريول المدرسه هل تحطين شباصات ميكي ماوس وشرايط بيض ؟؟
تبن في وجه العدو .. وش هالسؤال ؟؟؟؟
اســم دلعك بالطفوله لحد الان ينادونك فيـه ؟؟ وماهو ؟؟
زي كل البزران عبودي حمودي فهودي
وهالحين يدلعوني في المنتدى قموري
لحقت تتابع تتابعين سبيستون ؟ ولا القناه الاولي بالصبح والعصريه كم افلام كرتون بالدش ؟؟
القناة الالى وتخب وى تفتح الا العصر وام كرتون انقليزي بعد
بطفولتك كنت تبكي إذا ماجلست بالاول بالطابور اوالفصل ؟؟
ابكي اذا جلست بالكرسي الاول لان فيه مدرس فلسطيني يتفل وهو يتكلم
وآخر مصري ريحته تصرع من الثوم
وش اكـثـر حلاوة كنت تحـبها ..؟
حلاو البقر بس صار لي موقف محرج معها مره قلت لراعي البقاله عندك حلاو بقر قال منهو له قلت لي قال ليش أنت بقره
وش اسم اول مُـدرسه درستك ..؟
ابله نوف هههههههه >> وين حنا في مصر !!
هـل كنت تـعانـي مـن اخـطاء فـي مخـارج الحـروف ..؟
لا والحمد لله تلها انططها صح الا التاف والطا ( ك ، ق ) بس كان عندي شقلبت الحروف يعني اذا جيت اقول مدرسه اقول مردسه وجريده دريجه ومسنده منسده وهكذا وكانو اهلي مبسوطين من هالحركه ويضحكون ع الآخر
أشكر ورد الجوري على توهيقتي واختياري وضيعت علي الصفره اليوم لكن تمون وتستاهل
واشكر صاحبت الموضوع
واسف جت الاجابات سريعه تدرون ليش
جالس ساعه كامله اسجل الاجابات وابحث عن ايقونات مناسبه وبعد هالتعب كله اضغط على اضف الرد السريع وتجيني رساله ادارية من المنتدى تقول انتهت صلاحيه مدري ايش آآآآآآآآآآخ يا القهر
اختار العضو اللي بعدي المهند لكن لا اوصيك اذا خلصت من الاجابات سو حفظ للموضوع ويالله طلع الفضايح لا تخلي شي
جتك الرساله
02 / 10 / 2009, 15 : 06 PM
رد: ذكريات طفوله<<ادخل تطمش رائع
