رُكْن النهاية

علمتني الحياة ان اعمل ما يريح ضميري واتوكل على خالقي
حينها ارمي ترهات الناس خلف ظهري!
!

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

.

لو نجمع اللي فات منا من المال
،،،،،،،،،،،،،،،،،،،،،،،،،،،،،إن كان شيدنا القصور وبنينا


نعطي ولا نتبع عطانا بالاقوال
،،،،،،،،،،،،،،،،،،،،،،،،،،،،،ونبذل ونسكت كننا ما عطينا


وان باعوا الشيمة بدينار وريال
،،،،،،،،،،،،،،،،،،،،،،،،،،،،،،حنا دخلنا سوقها واشترينا

الامير الشاعر
محمدالاحمدالسديري
!

[/ALIGN][/CELL][/TABLE1][/ALIGN]

محمد الأحمد السديري - رحمه الله -

هو محمد بن احمد بن محمد بن تركي بن سليمان السديري - رحمه الله تعالى - ولد عام 1340هـ تقريبا في مدينة ليلى بالافلاج حيث كان والده اميرا عليها
ثم انتقل مع والده الى الغاط ونشأ وترعرع هناك في كنف والده ودرس الابتدائية على يد الشيخ عبدالمحسن المنيع شغف في بداية حياته بركوب الخيل
في السابعة عشرة من عمره اختاره الملك عبدالعزيز - رحمهما الله - اميرا على الجوف سنة 1357هـ واثبت وجوده ودرايته ..
وكان مما قام به تصفية قطاع الطرق والخارجين على الدولة على الحدود الشمالية والشمالية الشرقية ثم انتقل الى منطقة جيزان عام 1363هـ وتولى امارتها ومكث هناك،
وعندما ثارت المشاكل على الحدود السعودية اليمنية بعد الاطاحة بالامام يحيى بن احمد سيطر معاليه على الحدود بحنكة ودهاء
وعين عام 68هـ قائد للفدائيين السعوديين في فلسطين ثم اختاره الملك عبدالعزيز محافظا لخطوط الانابيب وقرر رحمه الله ان يتخذ مدينة عرعر مركزا للمحافظة
وكانت حينذاك صحراء قاحلة وخوله الملك عبدالعزيز للتصرف بالاراضي فأسس ثلاث مدن رئيسية هي عرعر والقيصومة وطريف وساعد ذلك على توطين القبائل
حتى اصبحت مدن مليئة بالحركة والنشاط والتقدم,
بعد وفاة الملك عبدالعزيز نقل الى جيزان مرة ثانية ثم اعتزل المناصب الا انه عاد وتولى قيادة الجيش بالمنطقة الجنوبية ومكث ثماني سنوات حتى انتهت حرب اليمن
وعاد وقضى بقية حياته متنقلا بين الطائف ومزرعته الخفيات شمال بريدة على طريق حائل حتى داهمته ازمة قلبية حادة لازم الفراش لمدة شهر حتى توفي عام 1398هـ بالرياض
ودفن بالخفيات في شمال القصيم - رحمه الله - وأسكنه فسيح جناته .

محمدالاحمد السديري شاعر علم ،ومن اعلام الشعر!وكان مجلسه عبارة عن جامعة ادبية شعرية يحضرها الشعراء جميعاً ،وكان الشُّعراء يحضرون بحرص لكي ينالوا منه الاشادة بقصائدهم وينالون شهادة (شاعر)يفتخرون بها وتعتبر ختم عبور وقبول في الشعر!
ولايقتصر مجلس السديري على المبتدئين في الشعر فقط بل كبار الشعراء مثل وليس حصر:
زبن بن عمير ،وعمير بن زبن ،ومرشد البذال ،ومحمدالخس،وعبدالله بن عون،ورشيدالزلامي،وعبدالله السلوم ومحمدبن صقر السياري !
وطلال السعيد وغيرهم كثير وامراء وشيوخ!
والشاعر الذي يحصل معه مساجلة شعرية مع السديري يعتبر في درجة عالية من الشعر.
الذي دعاني للكتابة عن هذا العلم ابيات يتداولها الكثير وينسبونها للشاعر محمدالاحمدالسديري وهي:
يامعدي المرقاب خلـه لمشتـاق
،،،،،،،،،،،،،،،،،،،حول وخل امعـذب القلـب يرقـا

ياليت ربي ما خلق حب وفـراق
،،،،،،،،،،،،،،،والا خلق حبِ على غيـر فرقـا
وهي ليست للسديري،والسديري ليس بحاجة لمثل الابيات وفي غنى عنها علماً ان الابيات هذي قوية ومليانة،لكن السديري كتب عليها عندما سمع بها!
والابيات هذي تعتبر ابيات يتيمه ولا يعرف قائلها .
محمدالسديري لها قصيدة تشابه الابيات هذي لكن القوافي تختلف والناس نسبوا البيتين له، وهي :
يا معدي المرقاب خله لمشطون
،،،،،،،،،،،،،،،،،،،،،،،،،،،،،حول وخل مولع القلب يرقا

خله لمشطونٍ تزايد به الكون
،،،،،،،،،،،،،،،،،،،،،،،،،،،،،على عشيرٍ زود الهجر فرقا

كبدي من الغالي بها تسعة اطعون
،،،،،،،،،،،،،،،،،،،،،،،،،،،،،والعاشره يا نمر بالقلب زرقا

طفلٍ يتل القلب تلٍ بلا هون
،،،،،،،،،،،،،،،،،،،،،،،،،،يسبا الفؤاد ويسرق الحال سرقا

محدٍ عشق مثلي من الحضر وضعون
،،،،،،،،،،،،،،،،،،،،،،،،،،،،،،،، شمر وعنازٍ وروقٍ وبرقا

سهرت يوم ان الخلايق ينامون
،،،،،،،،،،،،،،،،،،،،،،،،،،،،ويزيد نوحي كل ما ناح ورقا

ياسف لي اللي للهوى ما يعرفون
،،،،،،،،،،،،،،،،،،،،،،،،،ويا نمر شلاني من الدمع غرقا
المشطون/يعني المشغول اوالمهموم بامر.
وسوف نُكْمل ان شاء الله باقي الاللتباس في هذه الابيات (يامعدي المرقاب خله لمشتاق) لان السديري سمع بها وجاراها بقصيدة!
وبما ان الامر اصبح تحقيق في ابيات سنجعلها مساحة لهذا الشاعر الكبير محمدالسدير،ونحضر اجمل قصائده ومساجلاته مع الشعراء علما ان قصائدة لاتُحصى رحمه الله .
الكاريبي

مُجاراة السديري للابيات
يامعدي المرقاب خلـه لمشتـاق
،،،،،،،،،،،،،،،،،،،حول وخل امعـذب القلـب يرقـا

ياليت ربي ما خلق حب وفـراق
،،،،،،،،،،،،،،،والا خلق حبِ على غيـر فرقـا

يقول السديري
يامعدي المرقاب خلـه لمشتـاق
،،،،،،،،،،،،،،،،،،،،،،حول وخل امعـذب القلـب يرقـا

دام الكلام اليوم ما عـاد ينطـاق
،،،،،،،،،،،،،،،،،،،بين الولايف نبرة الشوق غرقـا

قال السديري عقب ماخاطره ضاق
،،،،،،،،،،،،،،،بيت(ن) يخلي ظامـي القلـب يشقـا

ياليت ربي ما خلق حب وفـراق
،،،،،،،،،،،،،،والا خلق حب(ن) على غيـر فرقـا

جعلتني خبل(ن) يـدوج بالاسـواق
،،،،،،،،،،،،،،،،هبيل عقل وفوق راسـه معرقـا

بيت(ن) يخلي ضايق الصدر يشتـاق
،،،،،،،،،،،،،،،،،،لمعانق ايـام الصبـا لـو تبقّـا

ياليت حظي مـا تعثـر ولا بـاق
،،،،،،،،،،،ولا شفت وقت(ن) فيه قمـت اتوقّـا

من عانقوا دربي قليلين الاوفـاق
،،،،،،،،،،،،،،وانا علـى ماقيـل حالـي تشقّـا

ما بيننا يابنت حشمه وميثـاق
،،،،،،،،،،،وما بيننا نفسن على الود شفقا

وشلون صدرك للخيانات ما ضاق
،،،،،،،،،،وانا الوليف اللي على الود يبقـا

عشر ليالي ساهرينه على سـاق
،،،،،،،،تهون عندك.. والمخـاوي مشقّـا

ياحيف ياللي كل ما قلـت خفّـاق
،،،،،،،قلبه على شوفي واياديـه عرقـا

ياهيه يالمشتـاق لاعـاد تشتـاق
،،،،،،،ويامعدي المرقـاب لاعـاد ترقـا

كلام شوقن حافظه وسط الاعماق
،،،،،،خل الرجم وانزل على راس برقـا

أنا من نجد يكفيني هواهـا
،،،،،،،،،،،،،،،،،،،،،،،،،،،،ويبري لوعتي شربي لماها

وشوفي من نبيه ومن نوده
،،،،،،،،،،،،،،،،،،،،،،،،،،،غزال تابـع قلبـي هواهـا

غزال ضيعت عقلي وروحي
،،،،،،،،،،،،،،،،،،،،،،،،رمت قلبي وقلبي ما رماهـا

لها بالروح وفوادي مـوده
،،،،،،،،،،،،،،،،،،،،،،،،،ولاشيء من احوالي خفاها

تعرف اني لها مملوك طايع
،،،،،،،،،،،،،،،،،،،،،،،أبيع الروح في دورة رضاها

واهيم بحبها واخفي جروحي
،،،،،،،،،،،،،،،،،،،،،،،وقلبي ما عشق زول سواها

توقد حبها باقصى فـوادي
،،،،،،،،،،،،،،،،،،،،،،ونار الحب يحرقني لظاهـا
الى اخر القصيدة

محمدالاحمدالسديري

انا على خافي ضميـرك موليـك
،،،،،،،،،،،،،،،،،،،،،،،،،،،،،في منزل مايسكنـه كـود غالـي

عينك تراعيني وعيني تراعيـك
،،،،،،،،،،،،،،،،،،،،،،،،،،،،اشفق من الصايم لشوف الهلالي

محمدالاحمدالسديري

قل لي هلا وآقول صبحك بالخير
،،،،،،،،،،،،،،،،،،،،،،،وقل مرحبا واقول ياروح روحي

محمدالاحمدالسديري

يقول من عدّى علـى راس عالـي
،،،،،،،،،،،،،،،،،،،،،،،،،،،،،،،،،،،،،رجم طويل يذهلـه كـل قرنـاس

في راس مرجوم عسيـر المنالـي
،،،،،،،،،،،،،،،،،،،،،،،،،،،،،،،،،،، تلعب به الارياح مع كـل نسنـاس

في مهمه قفرٍ من النـاس خالـي
،،،،،،،،،،،،،،،،،،،،،،،،،،،،،،،،،،اشتاقله من حس بالقلب هوجـاس

قعدت في في راسه وحيد لحالـي
،،،،،،،،،،،،،،،،،،،،،،،،،،،،،،،،،،،، راس الطويل بلابقه تقل حـراس

متذكر في مرقبي ويـش جرالـي
،،،،،،،،،،،،،،،،،،،،،،،،،،،،،،،،،،،وصفقت بالكفين ياس علـى يـاس

اخـذت اعـد ايامهـا والليـالـي
،،،،،،،،،،،،،،،،،،،،،،،،،،،،،،،،،،،،،، دنيا تقلب ما عرفنـا لهـا قيـاس

كم فرقت مابيـن غالـي وغالـي
،،،،،،،،،،،،،،،،،،،،،،،،،،،،،،،،،،،،، لو شفت منها ربح ترجع للافـلاس

محمدالاحمدالسديري