●• خزآمىَ الصَحآرى « للشعْر والخَوآطرْ !

لو نجمع اللي فات منا من المال
،،،،،،،،،،،،،،،،،،،،،،،،،، إن كان شيدنا القصور وبنينا

نعطي ولا نتبع عطانا بالاقوال
،،،،،،،،،،،،،،،،،،،،،،،،،، ونبذل ونسكت كننا ما عطينا

وان باعوا الشيمة بدينار وريال
،،،،،،،،،،،،،،،،،،،،،،،،،،، حنا دخلنا سوقها واشترينا

نطلع لها لو هي على روس الاقذال
،،،،،،،،،،،،،،،،،،،،،،،،، لو هو عسير دربها ما انثنينا

بافعالنا نرسم دروب للاجيال
،،،،،،،،،،،،،،،،،،،،،،،،،،، إلي نساها غيرنا ما نسينا

الكريـم اليـا عطـا شـي مايلحـق عطـاه
...................راهي جوده ومرهي على الطيب رهوه
والبخيـل إن كـان قهـواك مـره فالحيـاه
........................كـل يــوم يـقـول سـويـت لـفـلان قـهـوه

اقتباس: المشاركة الأصلية كتبت بواسطة الراقيه    والبخيـل إن كـان قهـواك مـره فالحيـاه ........................كـل يــوم يـقـول سـويـت لـفـلان قـهـوه

يخسي ماهوب منّا!!!

حـنـا اليامـنـا وعـدنـا وفيـنـا
واليا عطينا نعـرف الجـود ونجـود



وما نذبح البسمـه ليـا مـن حكينـا
وما نفرض الغلطة على البيض والسود



مـن طبعنـا لا مـن عطينـا عطينـا
جود من الموجـود والجـود موجـود



بعنـا المذلـة للضعيـف وشريـنـا
عزة نفوس وجد واخـلاص وعهـود



نضـرب خطانـا بالعصـا لاخطيـنـا
حتى ولوكان الخطـا غيـر مقصـود

يـآلله ترحَـم كـل مـن مـآت , و تعـيـن
.............................و تغفر ذنوب اللي خطآيآه " وآجد
و يـآلله تحقـق لـيَ بـ/ دنيـآيَ شيئـيـ..
.........................آموت مرضيَ " والدينـيَ " وَسآجـد

أحدٍ على ربعه يحب التحري
للشر بلاس و خيره بجيبه

هذاك يالربع انا منه متبرّي
لو عضّني ناب الدهر ما انتخي به

نعيـش اغــراب فـالدنـيـا ونستـوطـن منافيـنـا

نخلـق الحلـم مـن ( لا حلـم ) ونخلـيـه يقتلـنـا

و نضحك .. كن في هـالعمر ما به شي يعنينا

نسولف .. كن ما للـحزن طعنة .. في دواخلنا

بعض الكلام المختصر زبدته فيه
.................................. اخير من هرج على غير زبده

شعر حامد زيد
الحلم :

بـوقـت مــن الـبطا،وبليل تـترقص شـياطينه"
"بـعد شـفت الـضيا يـنزع مـن ثياب المسا ثلثين
تـحـايلت الـمـنام الـلي مـثل بـيتك تـمرينه "
"وانـا الـلي مـن تـفارقنا وأنـا ماغمضت لي عين
غـريـبة!!كل حـلـم يـمـر بـرقادي تـزورينه"
"والاغـرب..كيف أحـلم الحلم،وارجع واحلمه بعدين؟
قـبـل يـومين،شفتك بـالمنام..وقمت مـن حـينه!"
"ونـمت أمـس،ورجع نـفس الـمنام اللي قبل يومين
أنـا الـلي قـبل اسـافر شـلت قـلبي من شرايينه"
"تـركـته فــي يــدك الأمـانه،واحفظيها زيـن
تــرى حـفـظ الأمـانه ديـن..مجبورة تـردينه"
" أجـل ، مـافيه أحـد قال لك((حفظ الأمانة دين))؟!
مــرد الـمـقفي بـيـلفي..ويستوفي ،وتـوفـينه"
"بـعـدلـيـلـه،ثـلاثـه،أربعه،عشره،شهر،شهرين
إذا انـتـي ،مـاانتي بـقد الـكلام الـلي تـقولينه"
"حـرام...استامنك حـاجة،وإذا جـيت اطلبك تنسين
تـخونين،وتبين أرضـى!..واحد يـرضى تخونينه!"
"أنـا لاجـيت أخـونك،مع حبيبة ثانيه،((ترضين))!
مـن أول مـارجعت مـن الـسفر ماشفت لك بينه؟"
"وأنا اللي كنت أحسبك قبل ادوس ارض المطار..تجين
تـكونين أنـتي أول شـخص عـيني تحتضن عينه"
"وكـنت أتـخيلك مـن زود فـرحة رجـعتي..تبكين
وأشـوف بـدمعتك حـكيك..وأعرفه قـبل تـحكينه"
"واجـيب أحـلى مـن الـلي بتحكينه،وأتركك تحكين
تـقـولـيـن:الوطن نـور..وأقـول:بـنورمضوينه"
"تـقولي لـي:غديت أحـلى،وأقول:عيونك الـحلوين
كـــلام نــام بـشـفاهك..وخفتي لاتـصـحينه"
"ذخـرتـيه لـغـرام لـلي يـنام...ويترك تـصحين
تـغـانمتي غـيـابي..لين رجـحـتي مـوازيـنه"
"تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي...فيني مـاتلاقينه!"
"مـهو بـغرور..لكن خـابرك مـالك أمـل تـلقين
تـغـافلك بـغلا..والإ الـحلا مـهو بـمن زيـنه!!"
"تزينه الصور ..بس الصحيح ابن الحلال((زوين))!!
وأنــا مـاني بـنقاص عـنه يـوم أنـك تـبدينه"
"نـصيبي..هو نـصيبي لـو يـسددها من الصوبين
قـنـوع بـمـظهري،والسم مـايـذبح ثـعـابينه "
"عـلى قـول الـمثل((ماني حلو..لكني ماني شين))!
إذا أهــداك الـزهر مـره،فأنا اهـديتك بـساتينه"
" وإذا ألـهاك بـفرح لـيله، فـانا تـهت لبكاك سنين
وإذا اسـتـضعفتك أمـلاكـه...وشتتك مـلايـينه "
" أنـا حـتى فـتات الـخبزة أقـسمها مـعك نصين
طـموحي ،بـس أجـي وأظـفر بـشي تـستحقينه"
"تـديـنـتـه،تـسلفته،سرقته،مومهم مــنــيـن؟
كـأني مـن كـثر مـاارضى بـكل الـلي تـمنينه "
" لـو انـك تـطلبين الله ..يـعنيني، بـقول آمـين
أنـا مـاالعب عـلى الـحبلين،وقت الطيش وسنينه"
"تـبين الـحين يـوم أني كبرت العب على الحبلين؟!
تـرى عـند الـبدو بـالذات((عيب اللي تسوينه))!!"
"حـلاتـك لاعـشـقتي..تعشقيني لـيـوم الـديـن
غـرامٍ نـسكن ضـلوعه...حشيمه مـن مـجانينه "
"جـفـا،يجمع مـعـزتنا...ولاعشق يــذل أثـنين
كـثـار الـلـي تـحـدوني وقـالـولي :تـحبينه"
"امـانـه..لاتخليني صـغـير بـعينهم ((تـكفين))!!
لانـــي كــل مـاقـالوا((تخون))..اقول:مسكينه"
"عـلـيك الله وأمـانـه..علميهم مـنـهو الـمسكين
أنــا خـايف((لياطاح الـجمل تـكثر سـكاكينه))"
"وأنـا مـاعاد بـضلوعي مـكان لـطعنة الـسكين
مـثل مـاقالوا(المكتوب واضـح مـن عـناوينه))"
"لـو ارحـل مـنك للغربه..بسافر من ظلامك وين؟!
كـفـايه..كل حـلـم يـمـر بـرقـادي تـزورينه"
"كـفاية...من تـفارقنا..وأنا مـاغمضت لـي عـين
قـبل يـومين شـفتك بـالمنام وقـمت مـن حـينه"
"ونـمت أمـس،ورجع نـفس الـمنام اللي قبل يومين

ترى حلاتك لاحملت لصاحبك كلمة
.....................أن مانطقت بها بوجهه ماتذمه بظهره