نسائم نسيم

شفيك نسيم ؟!!

بائس ويائس ومال وطفشان

وشايل همك وهم غيرك

هونها وأنا أختك وتهون

طالع الأمور بتفاؤل وحب نفسك أكثر وعيش حياتك وطنش طنش

كل اللي ما يعجبك وما لك حيله عليه

اقتباس: المشاركة الأصلية كتبت بواسطة احلام وردية    يعطيك العافيه يانسيم والله يهدي الشباب ويفتح على قلوبهم

هلا بحلام وردية.
امين الله يهديهم مار وشلون نخلص من العذر البايخ (سن المراهقه) الى متى سن المراهقه؟
نسمع بسن المراهقه ولاقد شفناه

اقتباس: المشاركة الأصلية كتبت بواسطة المتميزة 26    شفيك نسيم ؟!! بائس ويائس ومال وطفشان وشايل همك وهم غيرك هونها وأنا أختك وتهون طالع الأمور بتفاؤل وحب نفسك أكثر وعيش حياتك وطنش طنش كل اللي ما يعجبك وما لك حيله عليه

وش في ؟بلاي والله دخلت في امور مالي فيها سنع حريم وبزور .من نصبح وحنا في طلبات والله كني مراقب صحي على البقالات !!!!!!!!!!!!!!!!!!!!
وهالعيال ماطعو يكبرون يكفوني لو روحات السوق .ابي ارتاح ،ابي ارقد محد يقول قم .
والشي الاخر تقولين هونها وتهون!!!!وشلون اهونه ابي السلوك يتعدل لان السلوك السيىء هو اللي سبب لنا الفوضا والزحام على سبيل المثال طالع ابي المكتبة ولا لقيت موقف واقعد ساعة ادور ابي احد يوخر اباقف محله واثر الاخوان واقفين يسولفون !!!!!!!!!!!!!واللي يضيق على الناس ويدور وهو ماله لزوم.
مالك لزوم اقعد في بيتك ياخي ريح عمرك ارقد .

ياسيدي في الحال رد النظر
،،،،،،،،،،،،،،وارحم محب حياته بين يديك
الموت احسن من حياة القهر
،،،،،،،،،،،،،،ما دامك انسان عايف من يبيك
ماعاد باقي علي الا انتحر
،،،،،،،،،،،،،وموت لجلك حسبي الله عليك

فيه مشكلة كبيرة ومنتشرة حاليا الا وهي التحدث او الكلام سواء في مناسبة او مع ناس على قول بعض العامة من المستوى العالي سواء ثقافي او اجتماعي او مالي والمالي حاليا اهم من كل شي لاننا اذا شفنا راعي الدراهم رحنا خرخر كن في يده عصا موسى والا يبي يعطينا مادروا انه لو تموت ماعطاك ريال الله لايحيجنا واياكم لحد .المهم تكلم حسب طبيعتك اللي الله اعطاك لاتكلف ابد لانك في هذه الحاله ستكسب الكثير والكثير لانك صدقت اولا مع نفسك ومع الاخرين لكن تجي تتكلم بلهجة المتمدنين حتى تصير مثلهم فهذا خطأ كبير.
على سبيل التمثيل حضري وكلامي معروف ليه اجي واتكلم بلهجة الباديه؟والا بدوي تكلم بلهجة الحضر؟
في هذه الحالة انت كذبت على نفسك وفقدت جاذبية المستمع لك لان لهجتك توحي بطبيعتك الخاصة وخبراتك .

اخواني اياكم والتصنع امام الاخرين لانها لاتدوم ومافيه شي افضل من ان الانسان يعيش بطبيعته اللي الله خلقه عليها .
الان فيه ناس اذا بغوا يتكلمون بالهاتف غيروا الصوت ويتكلفون الى درجة انه يروح نصف كلامه بالنغمة هذي (أأأأأأأأأأأأأأأأأأأأأأأأأأأأ)لانه يبحث عن كلمة تناسب ويعرق ويحمر وجهه .ياخي وش اللي حادك على نفسك ؟

اعتذار
المدونه مغلقه للصيانة

السيطرة على الانفعالات وتحكيم العقل .
بعض الناس من يوم يجيه شي وهو مقوم الدنيا فوق !!!!!!!!!!ليه؟
اصبر وانشد وخلك على حقك وموقفك ولا راح يضيع لك شي طالما انك مهتم بمشكلتك .لان كثير من الحقوق تروح هباء منثور بأسباب الحماقه والتعجل.

وبعدين ماهوب كل كلمة تروح تقمز تشكي كنك بزر .ياما وياما شكونا ولا قد شكيت احد ابد.

صباح الخير يا عسل انت يا نسيم راح احط صوره لاخر رحله في مدونتي

وراح اشوقكم للصور ههههه

بس كودي الاقي شي يصلح..