وش اللي يجبر الشاعر يدور للشعر جمهور

[poem=font="Times New Roman,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
انا والليل والعبرة وجرح الخاطر المكسور=ونفسٍ من هجير البعد والحرمان مقهورة
وقلبٍ ظامي لشوفك ولا يروي ظماه بحور=وعينٍ تحتري لحظة غياب الطيف وحظوره
ونارٍ وتنطفي مرة ومرة تشتعل وتثور=واقول النار مقدورة وهي ما هيب مقدورة
حسبت الليل بغيابك يمرن الليال دهور=وكنّي شايل بقلبي ليال الوقت وشهوره
تصبّرت وتقدّرت وبنيت من الخيال قصور=إلين ان الجفا شد الركايب وانتهى دوره
تحرّيتك على درب القصايد من ثلاث شهور=وحشا ما مات لك غصنٍ يشف الماي بجذوره
تخيّرت الغرام وجيت لا راضي ولا مجبور=وجيتي تسبقين خطاك مرضيّة ومجبورة
انا ما كان لي رغبه أبيّن واكشف المستور=ولكن الغرام اكبر من الخفّاق وشعوره
جمال وود وعيون ودَلال وكبرياء شعور=وفتنة تخذل عيون النهار وينطفي نوره
ولك في خافقي صورة تلاشت بين ضي ونور=واخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور=والا يا جملة ايام الجفا والصد مشكورة
خذتني للجفا عزّة واخذني للعناد غرور=واخاف اكون بعنادي حبيب ومات بغروره
واذا كانت مسافات الخيانة للغرام قبور=وش اللي يجبر العاشق يخون ويحفر قبوره
وش اللي يجبر الشاعر يدور للشعر جمهور=مدام انتي محبينه وعشّاقه وجمهوره[/poem]

حامد زيد

صح لســـــــــــــــــــــــانك يا السنافي وشكرا عى النقل