تماديت يالغالي وزادت عـن المونـه !!

[poem=font="Times New Roman,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

يقولون يرخي قوة الحبـل كثـر الشـد =تماديت يالغالي وزادت عـن المونـه
وأنا المشكلة حبيت فيك الهجـر والصـد =على عكس طبع الناس من صد ينسونـه
تصبرت من شانك وخايف يبيـن السـد =غموضك عجزت أفهم مصيره وقانونـه
مثل من بكى في جنب ميت يبيـه يـرد =وهو مادرى في نـاس غاليـن يبكونـه
أشوفك معي مرات مابيـن جـزر ومـد =وأنا لا هويت أنسان لا يمكـن أخونـه
على عكس طبعك لا تعلقت اجـي من جـد =ترى العذر ما يغنـي والايـام ملعونـه
معي مرتٍ وأحيان تصبح عليـه ضـد =تجيني ملـك وأحيـان بأفكـار مجنونـه
غلاك المصيبه لا تذكـرت مالـه حـد =عجزت أرخصه قدام نـاسٍ يسومونـه

اعد السنين اللي مضت وأختلـف بالعـد =صدوق المشاعر فيك لا غبـت مفتونـه
وإلا من طرت لي حبة الخـال فـوق الخـد =مثل من دموعه حايـره داخـل عيونـه
أبسالـك لكـن لا سألتـك علـيـه رد =وش الكلمه اللي في شفايفـك مسجونـه
دخيل العيون ورمشها والخصـر والقـد =دخيل القوام اللي شكى يطلـب العونـه
بسميك شيهانه ويفخـر بهـا مـن هـد =دخيلك بشر بعيونـك الكحـل وشلونـه
وأنا أقول لوشافك مطوع رجـع وأرتـد =كبير العرب لو تنظـره جنـت جنونـه
معك عمري الماضي ولك حاضري والغد =قمر والقمر بعض العـرب مايشوفونـه
وأنا لو هي بكيفي ولو هي تجـي باليـد =خطفتك وخـل اللـي يبونـه يسوونـه [/poem]

شاعرها غير معروف

قصيده رائعه ورائع من نقلها

على فكره ترى القصيده قصيدتي انا الي كاتبها

بس ضاعت منى

ههههههههه امزح

فعلا الشعر فن والهام وابداع

بارك الله فيك اخي السنافي قصيدة رائعة اتمنى لك المزيد والتوفيق

السنافي وكما جرت العاده تميز في قصائده

وتميز في نقل القصائد لله درك

وأنا لـو هـي بكيفـي ولـو هـي تجـي باليـد
خطفـتـك وخـــل الـلــي يـبـونـه يـسـوونـه

صح لسان الشاعر

صح لسانك يالسنافي على القصيدة الرائعة صراحة

أشوفـك معـي مــرات مابـيـن جــزر ومــد
وأنــا لا هـويـت أنـسـان لا يمـكـن أخـونـه

مغاط جابر