هبايب صحاري نجد والبر قبل أموت

[poem=font="Times New Roman,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
أنا من ورى يبرين وكني ورى بيروت = وياويش عرفني العبيله ويبريني
الا يا ام سالم جاوبيني بزين الصوت = تراني ما غير أدور اللي يلاحيني
وتراني قصيرك فى الخلا ما بنيت بيوت = ولا عشت بين المدرسه والبساتيني
ولا ني من اللي يعشقون البحر والحوت = ولاني بحب الضعف لجل الملايني
ولا ني بتاجر زود ثورا ً حياته قوت = ابي مايسد الحال واسلم من الديني
وانا ما تكلم لين اشوف الرجال سكوت = علشان كلن ينتبه لي ويوحيني
ولا وصف الا وصف شي عليه ثبوت = من العاقل اللي كني اشوفه بعيني
ولاني بحب اسمر على طقة البيلوت = ولا قلت قوموا خلو الدور ياتيني
ولاهمني صن اربعميه مع كبوت = ولا قمت افل اسراي في جنب خمسيني
رقدت و صحيت وقمت خايف يفوت الفوت = انا ميت (ن) بالقصر والبر يحييني
هبايب صحاري نجد والبر قبل اموت = علي الحرام انها الدوا اللي يداويني
وعلى جنب الايمن صنعة الروس تحت الكوت = لي الله ..والاشرم.. حالف (ن) ما يباريني
وانا مؤمن بالله ما امنت بالطاغوت = ابي رحمته جعله من النار ينجيني[/poem]


عبدالله بن شايق القحطاني

وانـا مـا تكلـم لـيـن اشــوف الـرجـال سـكـوت

عـلـشــان كــلـــن يـنـتـبــه لـــــي ويـوحـيـنــي

ولا وصــف الا وصــف شــي عـلـيـه ثـبــوت

مـــن الـعـاقـل الـلــي كـنــي اشـوفــه بـعـيـنـي



اخوي الف شكر على اخيتارك لهذه القصيده الرائعه

للشاعر الكبير ابن شايق

وكم احب قصائده وكم احب نقلك المتميز وكم احب ايضا ً ذكر اسم قائلها

فلك مني التحيه والتقدير

لله دره من شعر جميل خالج مافي كثير من نفوسنا اهالي نجد ومحبي البراري

تسلم يالسنااااااااافي

مشكوووووووور على هالاختيااااار

اطربتنا بالابياااااااااااااااات



سلام

صح لسان الشاعر :قصيدة في روعة المعاني
ويعجز اللسان عن المدح للسنافي الذي ينتقي مثل هذه القصائد التي تشد القراء
مع تحيـــــاتي (الراكــــــد)

صــــــــــــــــح لســـــــــــــــــــــــــــــــانك

أشكر الجميع على مرورهم وعلى تعليقهم

وتقبلو خالص تحياتي