مرثيه زوجه في زوجها

هذه قصيده مرثيه قالتها زوجة المتوفي حيث كانت معه في حادث انقلاب سيارته ادن الى وفاته وعاشت هي لحضات هذا الموقف المؤثر

[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
صرت اتمنى وصل خالد بلاحلام =
ياليت حلمي ذا تحول حقيقه

حزني دفين كان مقبور لعوام =
واليوم قلبي عاجز مايطيقه

ياموقف عشته مثل بعض الافلام =
شفت الحبيب مغرق الدم ريقه

والموت له مقبل يرفرف بالاعلام =
وعلى الحضن خذته وانا اسمع شهيقه

من روعتي صايحت بالاه والام=
ليته سمع صوتي وكمل طريقه

ليته توانا لي وللايام قدام =
لافديه عمري دون كل الخليقه

حظي من ايام الصغر مابعد قام=
ومن يوم قام وجاه شي يعيقه

صارت فجيعه يوم تحكى بلايام =
واصبح عزى خالد بقلبي حريقه

ضاع الكلام وجف حبري بالاقلام =
وفي داخل قليبي جروح عميقه

يارب تجبرني على الصبر ما دام =
نور القصب قفى وطفى بريقه

من يوم راح وصرت في صف الايتام=
يالله تفرجها بعد كل ضيقه

وترحم حبيب راح في عشر الاصيام =
وعساك من جنات عدن تذيقه

وصلاة ربي عدوطيات الاقدام =
على الذي نفسه للامه رقيقه[/poem]

قصيدة مؤثرة ومبكيه والله يرحم الميت ويبقي الحي والحمدلله الذي لايحمد على مكروه سواه.
ومشكور ياخوي تميراوي الرياض.

هلا اخوي صدوق المخايل وسمعت ان الزوجه تزوجها اخو الزوج المتوفى

تميراوي الرياض صح لسانك الموت مفرق الحبايب

بيت الطين مشكور على مرورك ومشاركتك