سجين المعاناة

[align=center]قصيدة وجدتها في احدى المنتديات فأعجبتني للشاعر ( سجين المعاناة ):[/align]

[poem=font="Times New Roman,5,black,bold,normal" bkcolor="transparent" bkimage="backgrounds/29.gif" border="groove,5,black" type=0 line=1 align=center use=ex num="0,black"]
ياقلب متعوّد على المزح والجد=يكفيك عن كثر الضحوك إبتسامه



سيف الهوى ماضي وحدّ الهوى حد=حدّ الطريق اللي حداني حسامه


سجين في فكري وحرفي مقيّد=لهل العنا سجن المعنّى علامه

كنّ الهوى في داخل القلب ماردْ=مكث دهورآ, به,, وطوّل مقامه

وآنا زعيمآ ,في دياره ,, مهدد=زوال حكمه ؟, أو زوال الزعامه

باسباب من خدّه كما النور وازود=أيضآ وميزان الذهب في كلامه


مشاعره تبدي كما الثلج وابْرد=يخفي تباريحه ويخشى الملامه


حبّه صلا قلبي على النار واشتد=حتى وَشمْ قلبي بكيّة غرامه


راعي الهوى جسمه على الحال يشهد=يبرىالهوىجسمه ويلحق عظامه


يومي َنكد, يطلع مع الصّبح الانْكد=وليلي طويلآ,, مثل يوم القيامه


أحضربفكري في دجى الليل واشرد=وآنآ على حشوات ريش النعامه


والجفن في ليل العنا,, كيف يرقد؟=متوسدآ كوعي,, واراعي ظلامه


وإن جيت باسْلى عن منى الروح وابعد=أرجع.؟,, كما مهْرآ يحدّه لِجامه


آبيت في ليلي,, على مرْهف الحدّ=واصبح,, ودمعي مثل وْبل الغمامه


كلّه, لبو عينآ, بهالرٍمش الاسَود=كلّه, لعينك, يا ُظبيّ العدامه


يا ناعم الأطراف,, وامورّد الخد=رمشك ليا سلْهمْ خذتني سهامه



ياكاعب الاتراب من صدر ناهد=قلب العصامي,, مابقى به عصامه

وضعي معَ سيْد العذارى, معقّد=والشّمل,, متفرّق وصعْبآ ليامه

حملي عجز عن حمله الحيل وانْهد=رغا بعيري,, ما قدر له سنامه


يامن يمر ّ انويعس الطرْف ويْردّ=بلّغهم إنّ الحيّ,, بانت عظامه


لاهو بمفطر؟, حسّه الجوع واجْهدْ=ولاهو بصايم .؟ وانكتب له صيامه


ماغير يسئل كيف حالك؟ وينْشدْ=ما تاجرابْحبّك وباعه وسامه


والنار في جوفه ودمعه على الخد=متلهّفآ كنّه حديث الفطامه


قلب العنا منقدّ, يامْعزّل القدّ=وانته حلال الحبّ وانته حرامه


واشْعار قيس الحبّ والحان معْبد=ماتوصف احروف العنا في كلامه


يا من قرا شعري وفي المنتدى ردّ=وشلون مكّنْ بي رزايا غرامه


باشكي عنودآ حبّها بيّح السّد=للي طوى شهر الصيام وْصيامه


يالله يامنبت حيا الضلع الاجْردْ=لامن سقاه الغيث وارْوى حيامه


يالله ياجابر عزى كلّ مجْهدْ=يامن دعاه امْصلّيآ في قيامه

يامنجيآ ذالنّون بالجزْر والمدّ=من بطْن حوتآ ما بجوفه سلامه

تفرجْ لقلبآ من هوى صافي الخدّ=ضاقت به الدّنيا وبيًن سقامه[/poem]

[align=center]أخي صدوق المخايل/ ما قصرت أختيار موفق أرجو أن ندقق في البيت
وان جيت أبااسلى عن منى الروح وابعد = ارجع كما مهر يحده لجامه
لاحظ الحركة في البيت مما يضفي صورة بيانية تجعل السامع يتخيل المهر وهو يحاول المقاومة مما لا يخفى عليكم
كلمة روعة قليلة عليك ولك تحياتي ،،،،،، العالمي ،،،،،،،[/align]