كل مااقوله على الله مشكاها

ياحبيبي صدتك مالها داعي = وش يفيدك من عنا العين وبكاها
ماترد الصوت وتقدر الداعي = لامتى ياقرة العين ومناها
زلة (ن) زلت وتلوي بها ذراعي = ماحد(ن)قبلك من الناس سواها
جيت اعدلها وزادت من اوجاعي = مثل من جا يكحل العين واعماها
انت عارفني وتدري عن اطباعي = كلمة (ن) تجرح مشاعرك ماارضاها
والله اني من سبايبك منلاعي = لوعة اللي لاعها الطير واغداها
واجب انك ترحم الحال وتراعي = ياعيون (ن) سم حالي مراعاها
انت مشتاي ومصيفي ومرباعي = وانت علّات المعاليق ودواها
انتظر رّدك ولا جابه الساعي = ولّ ياقلوب المحبين مااقساها
شاب طاروقي وقافي ومصراعي = ياقمر خمسة عشر ويش معناها
يرقدون الناس يااحمد وانا واعي = مااهتنيت النوم من عقب فرقاها
قد تمنتني وانا اطق باصباعي = وايّست مني وصرت اتمنّاها
مابها رحمه ولاهيب مطواعي = كل مااقوله على الله مشكاها
اشتري جمله ولاابيع قطّاعي = ومن يدورها على النّاس يلقاها

صح لسانك يالغالي

والله هيضتنا بالقصيدة

ربي يسلمك لنا ويخليك ذخر

والله ان حنا نفتخر بك

مشكوووووووووووووور يا اخووووووووي


سلام

	صدوق المخايل يعطيك العافيه على اتحافنا بهذه القصيده الراااااااائعة

اخوي صدوق المخايل

نشكر لك تفاعلك الرائع

وابداعك المتواصل

قصيدة جميلة كعادتك

الله .. الله

قصيده جميله

ورائعه بروعة قلمك


صدوق المخايل يعطيك الف عافيه

ولازلنا نخايل ابداعك بشوق

تحيتي لك والى الأمام

صدوق المخايل لقد ضربت وبكل قوه على الوتر الحساس انا اعلم انك في غنى عن شهادتي ولكن هذه القصيده من افضل ما قرأت في الفتره الاخيره في وقت قل فيه القصيد الجيد وبداء الحابل يختلط بالنابل نحن في امس الحاجه لاعادة هيبة الشعر وجودك انت وامثالك المبدعين بداية الطريق اتمنى لك التوفيق

صح لسانك

والله هيضتنا بالقصيدة

ربي يسلمك لنا ويخليك ذخر

والله ان حنا نفتخر بك

مشكوووووووووووووور ....

تحياتي................

صح لسانك صدوق المخايل ولا هي غريبه هالقصيده عليك تجيب اطيب ،،، الله يقويك




تحياااااااااااااااااتي