الفية(صدمه) في (قلوبن) تراجـف

ألفٍ أولـف وأبـدع القـاف بالبيـت "" و أوصف شعور ٍ عنه أنا ما تخليـت
وأبكي على شخص ٍ أنا منـه جنيـت "" واذرف دمــوع ودم متخالطـاتـي
البـاء بقالـي منـه ذكـرى أليـمـة "" وحالي بعد فرقـاه صـارت سقيمـة
الله يجيـب النـا العواقـب سليـمـة "" يالله نسـألـك الـهـدى والنجـاتـي
التاء تعبت اصارع الوقـت والحـرف "" وقتٍ ردي وحروفنـا مالهـا صـرف
ياللي نقلت ألـه الرسالـه بـلا زرف "" عطنا علوم اهـل الحـلاء المترفاتـي
الثاء ثـلاث اسنيـن مـا زاورونـي "" ومن نـوم عينـي باليـال احرمونـي
اقفـو بخلـي وابعـدو وتركـونـي "" حسبـي عليهـم عـد ورق النبـاتـي
الجيـم جملـه مـن قديـم الزمانـي "" جمله ولكن تحمـل أسمـى المعانـي
جملـه ثقيلـة مـا نطقهـا لسـانـي "" جملة وابا اكتبها لهـم فـي وصاتـي
الحـاء حصلـي شـيء والله كـايـد "" عـزي لمـن غـادر ولا هـو بعايـد
الحزن سايد مثل مـا المـوت سايـد "" مـوتٍ حصـل بسبـاب متخالفاتـي
الخـاء خبـر عاجـل عليكـم بذيعـة "" مـات الفتـى بسبـاب فعلـه شنيعـة
وجـنّ المذيـع.. وأقتفتـه.. المذيعـة "" الكـل (فـان) ولا تـدوم الحيـاتـي
الدال دلوي طاح فـي وسـط هالبيـر "" والحبـل ضـاع ولا تفيـد المعاذيـر
و الرِّجل تعبت من كثيـر المشاويـر "" اطرد سـراب و ضايعـن بالفلاتـي
الـذال ذقنـا مـن عـذاب الليـالـي "" شيئاً طرى وشـيء مـا قـد طرالـي
وحل الهجر من بعـد ذاك الوصالـي "" ومن يومها أقـرأ سـورة النازعاتـي
الراء رحمه مـن رحيـم السمـاوات "" ودي أموت اليوم يـا نـاس بسكـات
وأقـروا علـيّ الفاتحـة والتحيـات "" ودعوا لخوكم بعـد وقـت الصلاتـي
الزاء زهمنـي شايـبٍ قبـل يوميـن "" كبير سـن ودايـج(ن) منـذ عاميـن
قال الولد سافر ولا أدري إلـى أيـن "" وأمـه تبـي توصيـه قبـل المماتـي
السين سم ٍ سمنـي قبـل مـا انسـم "" والحزن يسري في عروقي كما الـدم
والهم يطـوي باقـي الوقـت بالهـم "" والحمل كايد مثـل حمـل السراتـي
الشين شلت من الجروح أربع أنـواع "" وشفت العرب تجزي هل المد بالصاع
الله يغيـر فالعـرب شيـن الاطبـاع "" وين الرجـال اللـي تصـد العداتـي
الصاد (صدمه) في (قلوبن) تراجـف "" بسبابهـا شفـت النواظـر تخاطـف
خبري رطيب العـود منهـا تناشـف "" أشجـار تاقـف بــس متهشمـاتـي
الضـاد ضـد القـول فعـل الهلايـم "" اهل الحسـد واهـل النكـد والنمايـم
حـظ المشقـا طـاح وماهـو بقايـم "" حظـه ردي وعايشـن فـي سباتـي
الطاء طوابير (العزى) بعد ( موتـي) "" جوني فـي بيتـي لابسيـن البشوتـي
ياليتنـي ماشفـت ذيــك البيـوتـي "" الله يرحـم مـن دُفــن بالحيـاتـي
الظاء ظميـت ولا لقيـت المشـارب "" مـن الخليـج اليـا بـلاد المغـارب
صحيح من قـال الاقـارب عقـارب "" في وجهك البسمـة وخلفـك رماتـي
العيـن عينـن صوبتـنـي بـأذاهـا "" سألـت ربــي يومـهـا ابعمـهـا
الله يجنـب كـل مسـلـم بـلااااهـا "" شهب العيـون اللـي كمـا القاذفاتـي
والغين غابت فرحتـي عـن وطنهـا "" عشت بزمـن متخالفـن مـع زمنهـا
بغيت انا اجمع فرحهـا مـع حزنهـا "" وأزريـت اوفـق بيـن متنافـراتـي
الفاء فـروع ٍ مـن جـذوع ٍ تفـرّع "" اصل الرداء من ساسهـا قـد تشـرع
سـود الوجيـه اتشوفهـا وتـخـرع "" اجدادهـم كانـو حـفـاةٍ عُـراتـي
القاف قف يـا صاحبـي عنـد حـدك "" وأسأل هل الماضي عن افعال جـدك
نـار ورمـادٍ قـد جنيـتـه بـيـدك "" تسريبه اريـاح الخـلاء المسرعاتـي
الكاف كـفٍ يضربونـه علـى كـف "" بعد الرجوع ولاء معاهم سوى خـف
زين المشارب ياعرب بعدهـم جـف "" الله يـرحـم حـالـة المظمـيـاتـي
اللام لمحه مـن صديـق ٍ صدوقـي "" حبه سكن قلبـي ويسـري بعروقـي
عشنا سوى نصحا بصوت (البروقـي) "" اقفـت بـه الاقــدار بالطائـراتـي
الميـم مشعـل حالتـه تشعـل النـار "" في صدر شخص ٍ جالس ولا عنه سار
شاف الهوايل والمصايـب والاخطـار "" رحمـاك يـاربـي ورب السمـاتـي
النـون نـون العيـن لـو تقلعـونـه "" يمكـن يريّـح مشعـلاً مـن جنونـه
على الوفاء عايـش وصعـبٍ يخونـه "" تدمع عيونـه عنـد شـوف العباتـي
الهاء هبوبٍ يـا ( هبـوب الـذواري) "" شفت الخطر وأشعلت نار الطـواري
حذرتكـم منهـا وقلـت الـمـواري "" عميـت بصايركـم يأهـل الشيـاتـي
الواو وفيّـت القوافـي بعـض حـق "" وأشـوف موتـي قادمـن بالمفـارق
وأخر كلامي لازم اليـوم انـا انّطـق "" وأطلـق صـراح اعلـوم متخفياتـي
واليـاء يايمـه لاتصيـحـي علـيّـه "" الموت حـق ٍ مـن حقـوق الرعيـه
وأنـا جلبـت المـوت عنـدي بيديـه "" وكفنـت روح ٍ مـا لفتهـا الوفاتـي
مــشــعـــل الـعـتـيــبــي
أبــــــــونــــــــواف

والله الفيه متميزه

مشكوور على النقل

يعيك العافيه


سلام

الفية رائعة

مشكور

أتحفتنا بها

لك مني كل التقدير

هادي والمدرس

حياكم الله

أشكركم على تواصلكم الجميل ويعطيكم ربي الف عافية