بسم الله به نبدأ
من منا لايغار على محارمه ومن منا لايغار على محارم المسلمين
ومن منا لايريد وطناً صالحاً امناً و محترم
لست من المتابعين لبرامج التلفاز الا لمشاهده مباريات الدوري الممتاز في حدود الفرغه
المهم صادف امس قعدتي عنده اثر فيه برنامج اسمه ( شباب ) - احلى ياشباب - فيه ناس واجد قاعدين ويقدمه واحد اسمه الحسين و ثاني ماعرفه بس يتكشخ و خشمه ممتغط
وكان به ولد بادي يصير كبير ( ماقلت رجال لانه سمرمدي ) المهم انه يسولف سالفه انه طالع من العقاريه الساعه 11 او قال 10 مدري المهم كان طالع وهو يغني و امسكوه رجلي امن واسحبوه معهم ( ليش ما سحبوا غيره او مهنا الا هو بس اكيد مسوي شي ) المهم جرجروه في القسم وخذوا عليه تعهد والمشكله حتى الان انه بتقولون عادي كل يوم يمسكون واحد من هالشكل
بس تفاجأت بالمذيع الحسين يقول : وش فيها اذاغنيتَ في الشارع ؟ ان رجل الامن غلطان يوم يشيلك
قال الولد : انت شفتَ
( انا اقول يالحسين انت مذيع في تلفزيون رسمي منت في الشارع ياشباب والتربيه على اللي امرنا به الدين مهوب على الهوى )
خذنا شوي وانا بصراحه اللعن وادعي ....
وقفت عن كل شي الدعى وشرب الشاهي ..... وش السالفة ؟ تلفزيونا انهبلوا أو أنا وش بلاني قديم انا والا وش صار ... قدامي دخل المذيع ( واحد يجي في بابا فرحان ) دخل في شقة وصلقط في اقصاها بدون اذن وتقول مروح ناصي غرفة فيها واحد نايم ويقول صايدك صايدك( مذيع او يمون )
شوي والا يطلعون شيشة وانت جاي
ثم فجأة انقطع وطلع السقيم قصدي المذيع الحسين ويقول هذا حال الشباب وحنا مانبالغ ( اللي شفته انهم كانوا مبسوطين )
ثم يقول السخيف اسف قصدي المقدم الحسين ((( حرام ))) الشباب معزولين حتى في الحدائق والملاهي ليش حنا نعزلهم ( شكله عادي عنده ) ونخليهم معزولين عن العوائل وش ذنبهم
عاد (((((( حرام )))))))) ياسعادة المفتي
بأمانه الدش قالوا حرام انه فيه مفسدات اذا كان هذا تلفزيونا وش في الدشوش ؟
يقولون ان تلفزيونا مطوع والدش داشر
وتلفزيونا يدعوا للاختلاط ( حسب مقدم البرنامج الحسين ) اجل الدش لويش يدعوا ؟
اكيد انه يقول : ياناس اكفروا لا تصلون .
لان ماعقب الاختلاط الا الكفر والعياذ بالله
اخر شي اسأل الله السلامه والله يحفظ شباب و بنات المسلمين
واسف جداً على الاطاله بس والله من زود الغبن والقهر
ووووو سامحوني...............
21 / 02 / 2005, 38 : 07 PM
برنامج شباب يستضيف الذباب
