|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| النبض العام يختص باخبار المنتدى و القرارات الادارية و المواضيع التفاعلية والمسابقات و الطرح العام |
آخر 10 مشاركات
|
 |
|
|
أدوات الموضوع |
14 / 02 / 2009, 03 : 11 AM
|
#1 | |
|
مشرف سابق
|
صااااااااااااااااادوووووه
مرحـــبا اخواني واخواتي
صااااااااااادووووووووه قمت قبل مدة بمقـــالب أخويــه وذلك بالإتفاق مع الطاقم الإداري وكانت ردات الفعل تختلف من شخص لآخر فيه المعصب وفيه الهادي خلونا نشووووووف اول واحد طبعاً بدون ذكر اسماء طبعا هذا اسلوبي وهذي رسالتي مرحبا اختي الاإداره كلفتني بمناصحة الاعضاء اللي يسون احزاب بردودهم وانتي من الناس اللي لاحظت عليك هالشي فرجاء خاص خليك عضوة مثالية وخل عنك هالتحزبات لانها ماهي بصالح المنتدى المشكله اني استحي اناصح وانتي لك جهود بالمنتدى اتمنى من كل قلبي تتركين التحزبات الواضحه بينك وبين مجموعه من الاعضاء انتي تعرفيهم اكثر مني كل هئا من اجل المنتدى فقط وترى كثره المشاركات ماهي تميز \التميز انك ماتفرقين بين عضو وعضو شوفوا الرد الهــــادي من احد الاخوات السلام عليكم أخوي ابو الوليد انا ماسويت احزاب ولا شي واذا كنت لاحضت انت هذا الشي راح ابراجع نفسي واشوف انت معك حق ولا لا بس لو تشوف انا اقوم بالرد على كل المواضيع خاصة في قسم التجميل والطبخ والتصوير و(الترفيه عاد صرت ماأدخله الا نادر ) بس الاقسام الثانيه نادر ماادخلها مثل الرياضه والشعر والاخبار وهذا مايدل على اني متحزبه مثل قولك وانا اناظر عنوان الموضوع عجبني دخلت ما أناظر من هو الكاتب واذا كان موضوع خاص عن مدارس تمير او شوارعها انا ماعشت في تمير عشان اضيف رد يمكن ادخل الموضوع بس ما أرد ومشكووووووووووووووور على التنبيه .................................................. ...................... وهذا العضو وده يهوش بس مستحي هلابكـ سواء مكلف أو ناصح .. نتقبل كل كلام طيب ... لكن قولكـ بأني من الناس الي يسون أحزاب بالردود فأنت غلاطان غلاطان لاأنا من الناس الي تقول عنهم وانا ضد هالشي .. الامر الآخر أكثر ردودي بساحتي فقط وأرد على كل عضو ينزل موضوع بساحتي من كل الفئات .. ومالها داعي كلامكـ (اتمنى من كل قلبي تترك التحزبات الواضحه بينك وبين مجموعه من الاعضاء انت تعرفهم اكثر مني ) من تقصد بكلامكـ خلكـ واضح عشان أرد عليكـ بوضوح .. وحط في بالكـ أكثر المتفاعلين مع ساحتي هم الي يكون تواصلي معهم أكثر واذا كنت تقول هاذي تحزبات فكل واحد ومقصدهـ . والله يعطي كل واحد على نيتهـ .. دمت يالغالي بخير .. طبعاً الحوار ماأنتهى رديت عليه وقلت لا تحاول تتهرب انت من اللي يبحث عن مصلحته ياخي ليه مانشوفك في الساحات الثانيه تعبنا من الاعضاء اللي مثلك وين دورك المنتدى محتاج اكثر من كذا مو بس ترد على فلان وفلان يرد عليك اذا تشوف نفسك مافيه تطوير ومنت راضي تتطور عط غيرك فرصه رد عالي بعد ماخربت الاخلاق وقــــال: سؤال بالله ماجيت الا أمس وجاي تقيمني بالمنتدى الحمدللهـ أنا بساحتي متواجد على طول الوقت ومازالت ساحتي متميزهـ عند الادارهـ ولاهو بشرط اني اكون مسؤل عن باقي الساحات انا مشرف باساحهـ...... ولست مراقب على الساحات.. وبعدين من يقول اني مااتصفح باقي الساحات .. موكل ساحهـ امر عليها لازم تشوف لي تعليق .. ولاأحتاج منكـ تقيم أو تعليق .. وانا الحمدلله مسوي الي على واكثر .. وهاذى مو لك بل لرقي منتدائي منتدى تمير .. سسسسلام .................................................. .... وهذي احد العضوات معصبه من البدايه خلونا نشوف ردها اخوي الكريم : الادارة تعرف توجه لي رسالة خاصة ومالقت الا انت واسلوب غير الراقي في المناصحة ! اخوي : ملاحظتك في غير محلها ، والله لاتحزبت مع احد ولاضد احد واترك عنك سوء الظن . أنا الموضوع اللي يجوز لي ارد عليه بغض النظر عن كاتبه ، واللي مايجوز لي أتركه. الامر الثاني انا من الناس اللي قليلة ردودها لان كثير من المواضيع ماتجوز لي . إلا غصب ارد على موضوع ماجاز لي. الشرهة مهب عليك الشرهة على الادارة اللي تخلي واحد مثلك يفرق اعضاء المنتدى .................................................. ............................. وهذا احد الاعضاء نشوف رده هلا اخوي مدري انت صاير مندوب ولا شسالفه مشالله عليك صاير مطراش للآداره يكلفونك تنصح الاعضاء ؟ لاتنسى نفسك يالحبيب .. وبعدين كلامك ماني راد عليه لان انت واحد ماتستحي اعرف تعرفني تقولي احزاب؟ لايكون متعشي معاك البارح وانا مدري وكان الآداره مكلفتك تنصح الاعضاء ياليت تراسلني الأداره بنفسها انت خلك بره الموضوع .................................................. ................................. وهذي احد العضوات اللي اكن لها كل الاحترام مافهمتني يالطيب انا ارد على الجميع سواء يرد علي ولا لا النقطه هذي ماتهمني وروح شوف المواضيع كلها من هو اللي يرد على الأعضاء اكثر انا قصدي اللي انا اقوله بعضهم امون عليهم اكثر بس لااكثر ولا اقل الله يهديك وشفيك قلبتها علي وعذرا مقدما ومؤخراً للجميع والحمد لله ان الكثير تقبلها بروح مرحه ونفس خفيفه وذلك بعد أن ادرك الجميع أن الدعووووه كلها مزح ابوالوليد |
|
|
|
14 / 02 / 2009, 23 : 12 PM
|
#2 | |
|
تميراوي
|
هههههههههههههههههههههههههه
والله عصبيين اهل تمير ماعندهم وقت مشكور ابوالوليد بندر |
|
 انــتـــــــظـــــرتـــــكـــ كــثـــــيـــــر ،،،،،،
|
|
14 / 02 / 2009, 50 : 01 PM
|
#3 | |
|
المستشارة والقآئمه بشؤون العنصر النسآئي
|
الله ياخذ بليسك قول آمين من يوم شفت موضوعك ماسكت من الضحك بس الصراحه موضوعك رهيب ووسعت صدورنا الله يوسع صدرك بالعافيه مشكور ابو الوليد وعسى عمرك طويل بس لاتعودها مره ثانيه خخخخخخخخخخ |
|
|
اللهم صل وسلم على نبينا محمد♡
|
|
14 / 02 / 2009, 44 : 03 PM
|
#4 | |
|
المشرف العام
مؤسس منتديات تمير 
|
الله يعافيك اخوي ابو الوليد سعة الصدر مطلوبه وخلونا نشيل الرسميه شوي ترى الدنيا ماتسوى زعل . بيض الله وجهك اخوي ابو الوليد على موضوعك وتقبل تحياتي وتقديري |
|
|
|
14 / 02 / 2009, 05 : 04 PM
|
#5 | |
|
تميراوي فضي
|
تم تحرير الرد من قبل مخاوي تمير .. .. هذا موضوع فيه مداعبه مع الاعضاء ومع المشرفين وتم السماح للاخ ابو الوليد لعمل المقالب . وما له داعي يا مخاوي سدير هذا التكرار في الردود فالرجل قدم اعتذاره لجميع من عمل فيهم مقالب على هذا الرابط ورجاء بان لا تكرر في الردود اللي ما لها داعي |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
