الباعوض يسرح ويمرح وين البلدية عنه

هام
مساء الورد الى المسئولين في البلدية
ماهو السبب في عدم الرش النوامس كاثرة والبق فقع وجيه اعيالنا
والهرش والحك قطع جلودنا . حتى الفليت ما يجاب فايدة قصرنا وحنا نبخ .
ياريت المسئولين يشوفون لنا صرفة بسرعة وهذا هو المطلوب .

اي والله صادق الباعوض يسرح ويمرح في بيوتنا ولازم البلديه تتحرك وترش الحواري
والله اشتقت لريحه فليت البلديه والله زماااااااااااان يا ولد ايام كنا نلاحقه من حاره لحاره نستمتع باستنشاق هالمبيد العجيب اللذيذ
وهذي المشكله الي اتوقع مخليه البلديه ما ترش لان عيالنا يشفطون الفليت قبل ما ينتشر في الحي !
مشكور اخوي عديل الروح

شرحك سرا يابلوتوث
حتى انا وجهي صار كنه اناناس من هالنامس
ماعاد نتهنى في جلساتنا ولا في نومنا
وياليت البلديه تشيل الشجر اللي يتجمع فيه النامس
ولانبيلهم فيليت خلهم يعطرون بها مكاتبهم

عندنا وعندكم خـــير ياهـــل تمـــير


انا احس من كثر الناموس راح نطلع من البيت ونخليه لـــه يمرح فيه على كيفــه

والمشكله الناموس معاد مثل اول الوحده ماشاء الله متغذيــه صحــــه

اول كنا نسمع صوتها لكن مانشوفها

لكن هالحين نشوفه قبل مانسمع صوتها من كبرهـــا

وان لقيتم حل لازالة الناموس علموني عشان استخدمه معاكم


لان بصراحه مانفع معاه شي حتى حديقة البيت الغيناها عشان يخف بس مانفع

//
\\
*

ههههههههههههههههههههههه
اجل وجيهكم ماتنشافـ صايرهـ

كنها البرشوم
ههههههههههههههههه

الله يعينكم
تصدقونـ ماعندنا ولا ناموسهـ

واسباب كثرتهـ عندكم من الاشجار ومستنقعات الماء

ومالقاها الا هالنامس يمرح ويسرح
ههههههههههههههه


لاهنتـ

/
\
شموخ
..,

تسلم على موضوعك يا عديل الروح

وبصراحة الناموس قليل الان وفيه رائحة تطرد الناموس

ومسالة الفليت

وش يفيد غير يجيب الربو والكتمة .....

لا نعطي الشي اكبر من حجمه والبلدية ما تقصر وبيض الله وجهها

ومسالة الناموس الله يصبرنا عليه ان شاء الله ويصبر الجميع

بس يجب ان نراعي البعض بسبب الامراض من الفليت

تقبلوا تحياتي

الباعوض

عنده ايجازة اعتيادية لمدة شهر يقضيها في تمير


البلدية هم اللي موقعين على ايجازته

عديل الروح

حياك والقلب وياك

لك منى اطيب التحايا لجهودك المتميزه دائماً

نلاحظ خلال العامين السابقين عدم الرش من قبل الجهات المعنيه على الحواري ؟؟؟

ماهو السبب الذي يمنع من الرش !! ؟؟

اذا كان هناك اسباب تمنع ذلك اويسبب امراض لاقدر الله على الانسان نرجوا ايضاحها

لنا وتشكرون عليها .

مع العلم بأن هناك مدن مجاوره لنا يرشون على الحواري ومازال الرش قائم حتى الان

نتمنى من جهه الاختصاص سرعه الرش بالمبيدات الحشريه على كافه الحواري

ليخف عنا هذا الباعوض

,,أطال الله فى عمرك ,,ياعديل الروح على هذا الموضوع المفيد

دمت لنا بالف خير وعافيه

ابو العنود

فعلا البلدية مهملة مسألة الرش

ولنا في القرى المجاورة عبرة .. كل ماجيت روضة سدير أشوف ذا الفليت يدور

الحقيقة مهم للقضاء على الحشرات والباعوض وغيرها

........


والأهم من ذلك يا أخوان .. أظن أن عمالة البلدية ماعليها أي مراقبة

أو أنهم مهتمين فقط بالشارع العام .. أشوفهم دايم فيه

وباقي الشوارع يخلف الله ..

نتمنى أن نسمع صوت للبلدية .. ونرى أعمالها .. في مدينتنا ..

انا مانام الليل الى في وجه المكيف لكن وش نسوي

تنادي اليوم اذ ناديت حيا...ولكن لاحياء لمن تنادي