،،خطاك منك تصدقني ليا من قلت لك بنساك ،،

[align=center]خطا منك تصدقني ليا من قلت لك بنساك ** انا وشلون ابنسى اللي طوال الوقت اهذري به؟

انا منساك لاواللي خلقك وكملك وانشاك ** غريبه تسأل المشتاق وانت القلب تدري به

علامك ليه تجهل شعري اللي ليا زعلت ارضاك ** علامك تجهله من عقب منت اللي تماري به

تعال و ان ماعجبك اللي كتبته اتركه و يفداك ** تعال اجلس بعلمك بقصيد توني بادي به

لك الله لوسكبت الشعر في كاس الغرام أرواك ** يبكي عيونك الخدرات ولسانك يغني به

هلا بك ياهوى نفسي هلا حتى الهوى يهواك ** هلا يالفتنه اللي غار كل الطيب من طيبه

اغار من الكلام اللي ليا قلته يحـــوش شفاك ** واغار من الهدب لاحب خدك يوم تغضيبه

واغار من الجديل اللي ليا منه انطلق غطاك ** احسده واعشقه محتار. مدري ويش اسوي به

عطاك الله اوصاف الحواري كلها واغناك ** اظنه لويجي لك زين يوسف قلت مالي به

ابوك الله يبيحه جاد باسمك يوم هو سماك ** الآ ياعين حر تدمي الصيده مخالي به

حبيبي خافقي ماراح لامنا ولامناك ** ندهله سحر عينك وقلت طاعه يامطالي به

الا وقلبي اللي كل ماتسري سرى مسراك ** ماغير الحزن في صدري ونبضه وأنت غادي به

حبيبي كل مامنك ضحكت ولوحت يمناك ** اقول الله و اكبر عاض قلبي ويش اجازي به

خطاك أنك تصدقني ليا من قلت لك بنساك ** انا لامن نسيت الحمد قلي ويش اصلي به؟




اعجبتنى هذه القصيده هى للشاعر / سعود الفهد وحبيت اني انقلها لكم[/align]

[align=center]//
\\
*


خطاك أنك تصدقني ليا من قلت لك بنساك
انا لامن نسيت الحمد قلي ويش اصلي به؟

قصيدهـ جميلهـ
تسلم يمينكـ
لاهنت

..,
[/align]

[align=center]شمـــوخ أنثــــى

*
//

يعطيكِ العافيه على حسن مروركــ
ولا هنتـــي

*
//

دمتــــي بخيـــــــر[/align]

قصيدة جزله ومعاني جميله

صح السانك والسان الشاعر

تقبلوا مروري

[align=center]

عبدالله بن عبدالعزيز


الله يعطيكـ العافيه على حسن مروركــ الجميل
والله لا يهينكــ


دمتـــَ بخيـــر[/align]

[align=center]//



الــــــــذيب

دمت على الانتقاء المميز

في الواقع قصيدة قوية وجميله

فــ صح السان شاعرها سعود الفهد

وسلمت اناملك على مانقلته لنا

احترامي لك

// [/align]

[align=center]انا منساك لاواللي خلقك وكملك وانشاك ** غريبه تسأل المشتاق وانت القلب تدري به



يكفي هالبيت


قصيدة في منتهى الروعه


دمت ودام عطائك يالذيب[/align]

ابوك الله يبيحه جاد باسمك يوم هو سماك

******** الآ ياعين حر تدمي الصيده مخاليبه

صح لسان الشاعر سعود الفهد

كفى ووفى

قصيده رائعه جدا ً تشرفنا بها هنا ..

لاهنت يا ذيب النشاما وتعودنا منك الطيب والسمين ..

[align=center]سحــــايب صيــــف

قمـر حســــــاس

السنـــــــــافي


يعطيكم العافيه على المرور الجميل
والله لا يهينكم ياالطيبين


دمـــتم بخيـــــــر[/align]

[align=center]صح السانك اخوي ذيب النشاما والسان الشاعر / سعود الفــهـــد[/align]