إنسان ليت إنَّك عرفته من إسنين .. وإنسـان ليــت إنَّك أبد ما عرفته

ـــــ


إنسان ليت إنَّك عرفته من إسنين
وإنسـان ليــت إنَّك أبد ما عرفته .
.
وإنسان ما يسقط خياله من العين
وإنســان مــا كنَّك مع الوقت شفته .
.
وإنسان لو تجعله القلب قلبين
مايبيّن بعينه وإذا بان عفته .
.
وإنسان لو تقسم له الجسم جسمين
تقول ما وفّيته وْلا نصفته .
.
وإنسان عايش في زمانه بوجهين
وكل وجه له زامه ومعروف شفته .
.
فن شاف منك مصلحة طلع الزين
وإتقول تو ورد المحبَّة قطفته .
.
وان شاف مابك مصلحة طلع الشين
وخلاك تكره عمرك إنَّك صدفته .
.
وإنسان وجهه واحد وماله إثنين
والنوع هذا طيّب إليا إكتشفته .
.
اليا حشمته تدري بحشمتك وين
وتحس بالتقصير لامن وصفته .
.
والله خلق والله فرق والوفا دين
والجرح تشعر به ليا من نزفته .

.
لــ الشاعر .. سعد صالح المطرفي

لاهنتِ ي الغالية على القصيدة الجميلة .. فعلاً من الواقعَ

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    لاهنتِ ي الغالية على القصيدة الجميلة .. فعلاً من الواقعَ

حياك الله .. منوره بحضورك الغالي
وياهلا فيك ..