↴.. ياكثر ما افضل الصمت لا طال الكلام .. وفوق هذا يوم صديت وأقفيت احقدو

18 / 02 / 2018, 33 : 05 AM

’,

سافري وانسي معاك الموادع والسلام ..
وافرحي وانتي من الحزن في عينك شدو

ماهو وقت المعاتب ولا وقت الملام..
حتى لو حالي بعد غيبتك حالت عدو

والله اني ليلة موادعك عييت انام..
والعرب حسو بحزني وضاقو وانشدو

ليتك معودني انك تسافر كل عام..
كان ربعي يوم سولفت معهم ما انقدو

عذري استيعابه اصغر من عقول الانام ..
وأنت عذرك قابلينه لو اعداك اشهدو

للغلا عمرا مسمى وللغصن انصرام ..
والوصل بالقلب بيته مثل بيت السدو

اعرفك لا اقبلت بك ساعة الوصل قلت الحظ قام..
يابعد من حاولوا ياصلونك وأقعدو

اعرفك وأعرف مباديك يامسك الختام..
وتعرفين الي لخيله على البيدا عدو

جيت لك من يوم طيري على واديك حام..
وسقت لك عذب القصايد لأجل عينك هدو

ماحسبت حساب هرجت قليلين الرحام..
رغم تفسير القصايد وتأويل البدو

ياكثر ما افضل الصمت لا طال الكلام..
وفوق هذا يوم صديت وأقفيت احقدو ..

.
.