لا مرت الغيمه وشافت حنيني .. هما مطرها وانتثر يحضن القاع

ـــــ

لا مرت الغيمه وشافت حنيني
هما مطرها وانتثر يحضن القاع

هلّي عليّ ياغيمتي واعذريني
لا شفتي الخافق به جروحٍ وساع

الى هما وبلك شفا الجرح فيني
أحنّ لك وأهيم و اشتاق وألتاع

ياصاحبي مع المطر لو تجيني
تزهر حنايا الروح مرباع مرباع

مثل المطر احس بينك وبيني
قصة غلا مرسومةٍ بين الاضلاع

ذاك الغلا اللي مرتسم وسط عيني
اهيم به واشرف على كل مطلاع

اتخيلك .. تحلى ليالي سنيني
ليه الزمن وياك يمرني بساع

تعال قل لي لا توارى حنيني
من هو بيسقي بالحيا مجدب القاع

تعال ياللي دنيتي بك تزيني
تحيا بك الافراح وتموت الاوجاع


..

ذاك الغلا اللي مرتسم وسط عيني
اهيم به واشرف على كل مطلاع
أبياتَ بـ الصميمَ
سلمتِ يّ ميدعة ،

مثل المطر احس بينك وبيني
قصة غلا مرسومةٍ بين الاضلاع

ذاك الغلا اللي مرتسم وسط عيني
اهيم به واشرف على كل مطلاع

الله على هالابيات
شكرا سلاف والله يعافيك

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    ذاك الغلا اللي مرتسم وسط عيني اهيم به واشرف على كل مطلاع أبياتَ بـ الصميمَ سلمتِ يّ ميدعة ،

الله يسسلمك ويخليك منوره بحضورك وتواجدك الغالي ..

اقتباس: المشاركة الأصلية كتبت بواسطة النادر    مثل المطر احس بينك وبيني قصة غلا مرسومةٍ بين الاضلاع ذاك الغلا اللي مرتسم وسط عيني اهيم به واشرف على كل مطلاع الله على هالابيات شكرا سلاف والله يعافيك

والشكر لك اخي النادر ع حضورك وتواجدك
الله لايحرمنا هالحضور ..