مصابيب مالحه وحلوه

[align=center]مرحبا يا قمرات
لكم وحشه كنت في زياره للاهل في الرياض وكانت خوووش رحله
المهم ذقت صنف جديد علي وهي المصابيب طبعا لم اعثر على طريقه واضحه
لان الكل عطاني مقادير عشوائيه
انا اجتهدت وسويتها مره وفشلت بس الثانيه كانت حلوه والثالثه اللي راح انزلها هي اللي ضبطت وعجبت اهل بيتنا خصوصا الحين بالبرد
نبدي
كوب طحين اسمر اوبر
كوب لبن
ربع كوب ماي دافي
ملعقة طعام سمنه سايحه
بيضه
1 م ص خميره
1 م ص سكر
1/2 م ص ملح
1/2 م ص بيكربونات صودا
تضرب بالمضرب اليدوي جيدا وتترك ربع ساعه مغطاة والافضل نص ساعه

الحشوه المالحه
ملعقة طعام زبده
بصله صغيره مفرومه
نص مكعب ماجي
بهارات وفلفل اسود
كزبره خضراء مفرومه
تحمس البصله بالزبده حتى تشقر ونضيف البهار والماجي وبس يذوب نسكر عليها ونضيف الكزبره و3 ملاعق ماء وتقلب وتكون صوص

الحشوه الحلوه
عسل مع زبده سايحه
صلصة كرمل جاهزه
سيرب الكورن الجاهز
سكر مطحون مع قرفه

حس ذوقك والمتوفر عندك
انا حطيت صلصة كرمل او توفي مع رشة قرفه
استخدمت المقلاة اللي شايفينها دهنتها زبده بالفرشه وصبيت تقريبا ملعقة مسح في كل قالب وبس احمرت قلبتها تتحمر من الناحيه الثانيه وارفعها واغطيها بفوطه نظيفه على ما خلصت وقسمتها
والمالح حشيته من حمسة البصل وسكرته نص دايره والحلو خليته مفرود وسقيته

ويارب تعجبكم











يتبع[/align]

[align=center]

لذيذه


[/align]

[align=center]بصرررررررررررررررررررررراحه احسها حلووووه ..

انا ذقتها مره واحده بدون حشوه عند يدتي الي بالسعوديه .. بس شكلها بالحشوه بتطلع وايد حلوووه

مشكووووووووووووره غناتي تسلمين ..

دمتي بخير[/align]

[align=center]ماشاءالله تبارك الله

بجربها وبرد لك

يعطيك العافية يالغالية[/align]

[align=center]مـــاشاء الله تبارك الله

شغل يفتح النفس

الله يحفظك ويزيدك من فضله

ياقوت القلوب

شكــــــــــرا ً لك [/align]

ماشاء الله تبارك الرحمن

يسلموا ايدينك غاليتي على هالمصابيب الذيذة

وخاصة بفصل الشتاء مع الحليب راااااااااائعة

[align=center]أختي الغالية [/align]
[align=center] قــــوت الـقـــــــلــوب [/align]
[align=center]
شكراً الف على هذه المشاركة وفعلاً شكلها لذيذ الله يعافيكِ........
أختي وفقنا الله وإياكِ لما يحب ويرضى ولما فيه الخير والصلاح على هذا الجهد والعطاء المتواصل [align=center][/align]
كما أسأل الله أن يجزاكِ عنا خير الجزاااااء
...........[/align]

[align=center]مشكورين أخواني وأخواتي على مروركم العطر ودمتم بخير[/align]

الف شكر على مثل هذا المواضيع


تقبل احلى تحية

.............