الغـــــــــــــــــــلاء ..!!

شكراً أخي العزيز: ملك روما
فقد اخترت موضوعاً هوبحق موضوع الساعة
فالكل يعاني من هذا الجشع والطمع الذي امتطاه
التجاروالضحية المواطنون وإن بحثنا عن السبب
في ذلك فهو ذنوبناومعاصينا قلت - وفقك الله- اجتمع
برد وغلاءوأزيد وقلة مطروالله المستعان.
أما الحل فيكمن في العودة الصادقة إلى الله والتوبة النصوح
من الذنوب والسيئات فكثيرمنامقصرون في جنب الله وخصوصاً
الصلاة وبالأخص صلاة الفجرالتي تشتكي من قلة الشاهدين لها
أسأل الله أن يلطف بنا وأن يعاملنا بماهو أهله وألا يؤاخذنابسبب
ذنوبنا ولا بمافعل السفهاء منا.
جزاك الله خيراً أخي الفاضل (ملك روما) وكم - والله - نفتقدإطلالتك
المميزة وردودك القوية وآراءك الراقية وكلماتك ذات العيارالثقيل
والتي تقف عندها العيون متأملة مشدوهة مستفيدة ... فلاتبخل علينا
فنحن في شوق ولهفة للنهل من معينك النقي ونهرك العذب.
دمت بحب ونقاء وخيروعافية وسعادة وتقبل من أخيك وافرالود.

كنت يوم اعلان الميزانيه اتابع قناة الاخباريه وأتابع ردود فعل ( المواطن ) عن نتائج الميزانية ..!!
ومن تعابير وجيههم الظاهر انهم ماهم راضين عنها
او يمكن ماتكفي احتياجاتهم .

ثم بعدها غيرت القناه وحطيت على LBC
بس حسب ما أتضح لي من حديث الشارع اللبناني
إن عندهم حفله على شرف هالميزانيه والفائض ..
والله يوفقهم ويبارك لهم فيها ..
مدري وش فينا بصراحه ان زانت الامور وصار فيه قرارات حلوه .. قلنا من الملك .. وان جت قرارات عوجا مدري وش تبي قلنا من البطانه ..
كله الا ارتفاع الاسعار يقولي احد الاصدقاء المتزوجين ان كل شي مولع يقول بدل ماقضي لبيتي ب 600 صار يالله يكفيني 1000..
وخذ من هالاسعار ..
قشطة المراعي صارت 3.5 ريال..
حبة المظبي 22 ريال
الكفرات ارتفعت 30 بالميه..
الأدوية 25 بالمية
تخيل يا خادم الحرمين جبن كرافت والمراعي السايل.. ارتفع.. طيب وش تسوي الناس لبزارينها المشكله يقدرون الكرافت السايل مع الصامولي..
الببسي صار 20.5
حتى وانت بكرامه والقراء الحفايض .. ارتفعت..
والأيجارات أرتفعت..
الحمدلله على النعمه أمن وآمان
الله لا يغير علينا..
حتى .. رز ابو كاس ارتفع..
لا وازيدك من الشعر بيت..رزمة الكراث والبصل صارت بريالين..
وشكل الدور الجاي على الشعيرية الباكستانية ..
ثم عاد بيحرجوني الناس
ويحطوني امام الأمر الواقع اللي مايقبل المقاطعة ..
الرز وقلنا معليش
واللبن قلنا مافيه مشكلة نقاطع معكم ..
والمكرونه ونعديها ..
لكن الباكستانية هذي وش عذرنا منكم
إذا ارتفعت وقالت الناس ا قاطعوها وماقاطعناها
شفت شلون حنا بنعمه..
ماناقص الا الهواء طار عمرك .. شوفوا لكم فيه حل والا ركبوا على صدورنا عدادات ..
المهم مانبي ياطويل العمر لازيادة رواتب ولا عاد نبي سوق الاسهم يرجع زي ماكان .. نبيكم بس تثبتون الاسعار لاعاد تترفع .. خاصه سعر القشطه ( مراعاة لصديقي ابو فهد وتراه يستاهل بس ابلشني .. يقول
من يوم دخل علينا
كتاب نخبة الأطباق
وقواطي القشطة سدح عند الباب
وجيرانه يحسبونه مروج حسبي الله على المؤلفه