السلام

السلام عليكم

بدون مقدمات ابتكلم عن حديقه الملك (المضمار الجديد
اللي مته وهو بدون دورات مياه تم السنه وهو على ذا الحال
وبدون مااعمم بعض الحريم تترك ولدها يبول في مكان عام والناس تجلس وتقوم الصراحه حرام والله الواحد يجلس على وساخه لا تقولون تبالغين هذا الحقيقه ماجبت شي من عندي
ييتسكرالمضمار لين ينتهون من تصليحهاا او يستعجلون الوضع مزي
حريم ماتستحي الصراحه
ودورات المياه الي في المسجد جدن وسخه من بعض الاطفال اللي يروحون له
وصاحب المسجد يشتكي من ذا المنظر

الله يكون بعونكم شكله طوول ماانتهى طيب ليش تروحون له وهو مابعد انتهى
او مسموووح الواحد يجلس فيه ..

الغريب فعلا انه يوجد نطيطات مجهزه ؛ وهذا يعني ان الحديقة صالحة و مسموح استخدامها ؛؛

اما ان كانت غير مسموح ولم تفتتح ؛ فلماذا يسمح للنطيطات بالتواجد ؟ و ليش ما تغلق الحديقة نفسها ؟

دورات المياة جزء رئيسي في اي مكان تجمع ؛ ان لم توجد فهذا خلل كبير يعطل الفائدة الحقيقة من الحديقة

اعانكم الله ؛ و باذن الله نجد تجاوب سريع من البلدية

تحياتي

اقتباس: المشاركة الأصلية كتبت بواسطة الراقيه    الله يكون بعونكم شكله طوول ماانتهى طيب ليش تروحون له وهو مابعد انتهى او مسموووح الواحد يجلس فيه ..

ييطول له 3شهور متوقف او اكثر
الناس كلها موجوده فيه والنطيطات والبايعه الاطفال ينجذبون له اكثر

اقتباس: المشاركة الأصلية كتبت بواسطة توأم الجود    الغريب فعلا انه يوجد نطيطات مجهزه ؛ وهذا يعني ان الحديقة صالحة و مسموح استخدامها ؛؛ اما ان كانت غير مسموح ولم تفتتح ؛ فلماذا يسمح للنطيطات بالتواجد ؟ و ليش ما تغلق الحديقة نفسها ؟ دورات المياة جزء رئيسي في اي مكان تجمع ؛ ان لم توجد فهذا خلل كبير يعطل الفائدة الحقيقة من الحديقة اعانكم الله ؛ و باذن الله نجد تجاوب سريع من البلدية تحياتي

وين مسموح لهم ودورات المياه ماكملت ماخبرنا مكان مافيه دورات لاكنهم متهاونيين فيه ومافيه احد مهتم اهم شي يودون عيالهم يلعبون فيه المفروض يتحركون ويطالبون بس لا حياة لمن تنادي

اضم صوتي مع الاخت انا سمعت ان بعض المتنزهات تذهب لدورات المياة المسجد القريب للمنتزه وهذا لايليق بها وفيه خطوره كبيره خصوصا ان المسجد منعزل وبعيد لذلك اتمنى من بلديه تمير والقائمين عليها سرعه
تأمين دورة مياة للرجال والنساء .
بلدية تمير نشيطه جدا وتطلع على كل الملاحظات التي تطرح من الاهالي
واجزم ان الصوت وصل وباذن لله سيكون هناك حل وعن قريب بمشيئة لله

من المفترض تبنى دورات المياه قبل كل شي هي من الاساسيات الضروريه لكل منتزه,,

المسجد لا يخلو من العمال وهذا خطر لان بعض الامهات تروح عيالها لحالهم

ان شاءالله الصوت يوصل لكل مسئول وتنحل ذا المشكله