يا زيد خل الشفر

يا زيد خل الشفر يمشي على هونه
انقضي الوقت مع مدعوج الاعياني

والنفس في حكمته يا زيد مرهونه
عساه يجيك يا السواق ما جاني

اسباب مابي وجرحي شبحة عيونه
ومبيسمٍ يذبح العشاق من داني

وان جيت احاكيه وجهه يختلف لونه
قام اتقلب يصير اشكال والواني

قلبي يحبه واحب اللي يحبونه
خله على الدرب سبع ايام من شاني

رمحه طعني ورمحي طاح من دونه
لو اتعالج بلندن جيت ما ابراني

يبست غصوني وخلي تنعم غصونه
يا متلف الروح جاني منك ما اكفاني

تكفون قبري على دربه تحطونه
كوده يلد النظر عقب يتعداني

وعيوني اللي بشوف الزين مفتونه
وان زل يومٍ احسب يومي الثاني

والقلب ما يبغي الا ناس يبغونه
وانته تمشى وانا الموت الحمر جاني

آبيآت جميله بجمآل آختيارك
سلمت على آلآختيار المميز ..

اقتباس: المشاركة الأصلية كتبت بواسطة الراقيه    آبيآت جميله بجمآل آختيارك سلمت على آلآختيار المميز ..

عافاك الله ويسلم غاليك ومغليك