الشعر النبطي » الأمير عبد الله الفيصل » الحرمــــان *

الحرمان



انا وياك يالحرمان في الدنيا غدينا اخوان



مسيرتنا سوا في كل حاضرنا وماضينا



مشينا فوق درب السهد والآلام ولأحزان



حيارى في خضم التيه ماترسي مراسينا



تباشير السعادة عن نظرنا لفها النسيان



وفوق اهدابنا ماتت من الحسرة امانينا



على درب الالم تمشي مواطينا على النيران



ظلام الياس ينشرنا على حبله ويطوينا



ترانيم الهنا في يوم مولدنا غدت صلبان



صلبنا فوقها من غير ماتجني ايادينا



تعوضنا عن البلبل وشدوه نعقه الغربان



وعن غصن الزهر غصن بعكف الشوك يدمينا



هلا باللي يبي ينظر شقوة الانسان



يجي ينظر تجسدها بكل اطوارها فينا

اختيآر جمييل
سلمت آلآيادي

ابيات جميله
تسلمين على الاختيار والانتقاء

عافاك الله والامير عبدالله الفيصل مدرسه متكامله
رحمة الله ويكفي اللقب الذي اطلقه الملك عبدالعزيز
عليه بنصف الدنيا ...

اختيار رائع
يعطيك العافييه

جمييلة كـ جمآل حضوركِ ،
لاهنتي ،

مشكورين ع المرور هنا