على كفك نسيت اول معاناتي وتاليها ***

الاياليت قلبي ماتولع في هوا الخوان = ولا ودع مواني راحته ورمال شاطيها

تركها ثم رحل يبغي لعله يمسك السلوان = قطب عزم الخطاوي والخواطر صوب مشقيها

مع حد السلال اللامعه وقف على العنوان = ولا فكر لاجل يوم اللقا بفعول حاميها

اجيك بسمعتي ذايب واجمع من زها الالوان = ورودن يافعه من زينها يشتاق مسقيها

كتبت احلى بيوت الخاطره في لوحة المرجان = مع اسمك والحروف اللي لاجل عينك اعنيها

مشيت بوردتي وكتابتي صوبك وانا بردان = ابا انسى دنيتي واترك على يدك مراسيها

واذا جيتك وانا من دنيتي يادنيتي زعلان = على كفك نسيت اول معاناتي وتاليها

ابا اكتب داخل اكفوفك اذا جيتك انا الولهان = انا قصة غرامن لك حرام الوقت يمحيها

انا حبك وانا قلبك وانا يا أغلى بشر الانسان = مشاعر قلب واحساسات حبي لك اصفيها

انا الهايم وانا الرايق مع صوتك وانا العشقان = لك الله ساعة ابعادك عن اعيوني ما أدانيها

دخيل اعيونك اللي سلهمت ما اجمل هدب الاعيان = دخيل الكحل في ناعس طرفها كيف يحيها

لما انصف ليل ملقانا ودقت ساعة الرهبان = وانا قربك مقضي ليلتي لو كنت معميها

قولي كلمة احبك وهزي شامخ الوجدان = ابا اسمعها وابا اشوف الشفايف كيف تلويها

لكي وصفن يشابه بالحلا دلوعة النعمان = لها كسرى قلب عالي بلاد الشرق واطيها

لمحها حارسن له تلتوي في ساحة البستان = حوت كل الجمال الانثوي واللطف حاويها

تزاحم من جمال اوصافها في بيتها الفرسان = من اطراف الجزيره حب من يطرا يسريها

وانا حظي مع طول الزمان الجرهدي مازان = يشب الجوف بعدك يا غلا والكبد يدميها

وانا يامي وابن يامي وديرة لابتي نجران = ديارن عامره يافاتنه بفعول ياميها

لما بانت على البيداء خيول المعتدين وبان = مع شقر العذاري والرماح اعلام غازيها

تراكض خيل ربعي فوق صحصح جرهدي العان = والا ياوجد عيني للذي عزم يلاقيها

تعزوى والعزاوي ولعت في خاطر الشجعان = يشب الجوف عزوة ( حامي الجدعاء ) وراعيها

على دهم الخيول المسرجات القب في الميدان = دعسانهم ونار صدورهم بالسيف نطفيها

لنا في عرض تاريخ الجزيره موقع الشيخان = نحل اقصا الحدود الخايفه لاخاف راعيها

فلا ياليت قلبي ما تولع في هوا الخوان = ولا ودع موانئ راحته ورمال شاطيها

والا يالتيني يا حالمه لا ضاقت الجوان = علي انسى معاناة الغرام وحب مشقيها

[poem= font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وانا حظي مع طول الزمان الجرهدي مازان=يشب الجوف بعدك يا غلا والكبد يدميها

وانا يامي وابن يامي وديرة لابتي نجران=ديارن عامره يافاتنه بفعول ياميها [/poem]

صح لسان الشاعر ونعم في يام واهل نجران..مشكور يا زمن على النقل الراااائع

]