ياماحلى والشاص قد عقـب تميـر

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لشعر لى حل الوسم جـزل تعبيـر=في خاطري ينشي مناشي الخيالـي
تهب قيفانـه بصلـف التصاويـر=لى هب في نجدٍ هبـوب الشمالـي
ويضفي علي الهجس ضفي المباكير=لـى رذرذن بيابسـات المفـالـي
ويطري لي المكشات خوة iiمناعير=وضرب الطراق المربعات الخوالـي
ياماحلى والشاص قد عقـب تميـر=عدا على ام رجوم وجهـه شمالـي
في خوة الفكس آر مع حزة عصير=ندهل عروقٍٍ صابها الوبـل تالـي
وياماحلى بالخب شعـق الجذاميـر=في ليلـةٍ ماهـي سـواة الليالـي
طعسٍ ونجـمٍ والـدلال المباهيـر=وضـوٍ تصالينـا وبـرقٍٍ يـلالـي
وياماحلى شوف السيول المحاييـر=وياماحلى روضٍٍ على النفد سالـي
شوفته تسوى شوف بيض الغنادير=لى هزهزن الخصر والمتـن مالـي
يانجد أبزري في محاسنك تصويـر=وأزريت أطارد لأجل وصفك خيالـي
منازلـك تجلـي ثقيـل التفاكـيـر=وتسجـج قليـبٍٍ همومـه جلالـي[/poem]



من يعرف الشاعر

والله مدري منهو بس باين أنها قصيدة جزله

الله يبارك فيك يالغالي

صح لسان شاعرها

ومثل ما قال الضامي قصيده جزله

بس ما أدري عن شاعرها يالمتحد .. وياليت تعلمنا لا عرفته ..

ألف شكر على نقلك الجيد

صح لسااااااان صاحب القصيدة

والصراحه مدري مين

أشكرك

أخـــوي المتحـــ2007ــد

على القصيده الرائعه

وهذه قصيدة المقناص وقد سمعتها من قبل وهي للشاعر : سعد بن ناصر الشتوي

قصيدة جزلة شكراً لك أخي الغالي المتحد.....................

مشكور على مروركم والف شكر لعضيد السنافي اللي علمنا صاحب القصيده

[align=center]اللة يعطيك العافية على القصيدة وفي الشاص وشخليت ياخوي المتحد مانقول الاسلمت يمينك وصح السان الشاعر[/align]

ومن قال سالم يا الشمالي ومشكور على مرورك يا الغالي

صح لسااااااان صاحب القصيدة

..........................