وين المسؤال ؟؟

السسسلام علييييكم

اخواني هذا الموضوع ماينسسسكت عنه اببببد

ارواح بششر راحت بسبب الشوارع الي مفروض ماتقعد كم شهر مخلصين منها

طريق مخرج تمير خربان وكله مطبات وضيق ولا احد تكلم غير الفه الجديده الي حطينها يعني اي شخص جاي طاير بيطير تحت الكبري


معقوله هذا تصميم طريق مايل بقوه وخطر

وطريق عششيره له سنتين دخلنا الثاله وللحين على ماهو مافييييييه اي تطور ومقفل للحين


طريق الي من مبايض للمجمعه سيد واحد وخطر وملين بعارين ومطبات وحفريات ولا احد تكلم

يانااااااااااااس وينكم ياهل التمير ياراعين الفزعات دييييرتكم بخطر وعيالكم راحووووووو ضحيه للخط

ولا احد تكلم


شوفو العوده حطو طريق سيدين وحطون انوار فيه كله لما راح ضحيتها شايب مارضو يسسكتون

اتمنى من اهل الديره يقدمون كلهم خطاب ومعه تصوير لشوارع الخربببببببببانه

ويرسالونه لرياض يتجمعون شباب وشياب اهل الديره كلهم ويكتبون الخطاب رسمي


لين متى نسسسكت عن المهزله هذي لين كل عيال الديره يرحون ضحيه

اذا فات الفوت ماينفع الصوت

قبل فتره راح شاب حمد عبدالرحمن عبدالله المناع

ويوم السبت راح الشابأحمد ابراهيم احمد المناع


من راح يكون الضحيه الثالثه في هذا الطريق ؟؟؟

وقسسسم صرنا نحط يدينا على قلوبنا على اخوانا واهلنا من هالخط

ولا احد تكلم ياناس تحركو تكفون

وين اهل تمير قبل اذا بغو الشي جابوه

النت طامرتو لين جبتوه والحين علشان ارواح عيالكم محد متكلم

صدقت اخوي ياليت تشوفون حل
ارواح الناس موب لعبه
وين المسؤل عن هالاهمال..~

حسبي الله ع كل من له يد بهالموضوع وساكت

الله يرحم الحال

من الغبن ان لا يلتفت الى الاخطاء الا بعد حدوث وفيات لابناء البلد وكون المتسبب مختفي خلف اخرين يغطون علية ..
والا كيف مشاريع ترسى على شركات ومؤسسات لا تتابع من قبل المواصلات او النقل لان تمير تنافس المجمعة ثقافة ابناءها ورجالاتها وحركتها التجارية توجب ان تكون محافظة للمحافظة على مصالحها في ضل تجاهل المجمعة لها في مشاريعها التنموية والرقابة الادارية وكون المجلس البلدي والاداراة تدار من قبل اشخاص لا يدركون المسؤولية في ان وفاة 18 مواطن شباب في مقتبل العمر في عنق كل مسؤول عن حوادثهم ونختم حسبنا الله ونعم الوكيل على كل مقصر ..

اهل تمير في الخويش الله يرحمهم ولوهم حيين كان ماصكوعليكم كنكم دجاج قال ايه قال بنطور تمير ياخي بلاش تطوير على حساب ارواح ابنائنا تحويلة كبري تمير لها اكثر من سنه وزي قلتها اللي يشوفه وهو يسوي التحويله يقول يبي يخلص بعد يومين يبي يجلس هالوقت كله ومسويها كنها وجهه لاتزعلون علي يامشرفين هذاحق لوقدرالله وجانا امطاروكت اباالمياه مثل سنين مضت وين نروح معه بيتسكر خط بوضا وعشيره وتمير بسبب هالمقاول التعبان ليش مانجتمع ونروح للوزير ونطلب مقابلته ونشرح معاناتنا له ونطلب محاسبة المتسببين في التأخير الحاصل في تحويلة الكبري وليش منفذ بهذه الطريقه اعوجاج ماله داعي ونتابع اعمال ديرتنا بانفسنا ومايضيع حق وراه مطالب.

على ما سمعت ان المواصلات رفضت انها تستلم الطريق ( كبري القطار) لأعوجاااجه والله اعلم
وهذا ان دل على شي دل على اللعب الحاصل بين المقاولين ومن من مسكهم المشروع...

اقتباس: المشاركة الأصلية كتبت بواسطة أبـوحـمـد    على ما سمعت ان المواصلات رفضت انها تستلم الطريق ( كبري القطار) لأعوجاااجه والله اعلم وهذا ان دل على شي دل على اللعب الحاصل بين المقاولين ومن من مسكهم المشروع...

مصيبة اذا كان الموضوع صحيح يابو حمد المقاول يحوس الطريق والموصلات ترفض استلامه
وحنا ندفع الثمن . حسبي الله ونعم الوكيل .

اصبروا الين يموت واحد من عيال المسؤل بتمير عشان يلتفتون لمداخل الديرة ............

المسؤولين هالايام ما حولك احد .. يستعدون للاجازة و السفريات ..وخل حريملا في تسبد أهلها ..!!