ما تقبلت الفـــــــــــــــــــــــراق "

[glow1=000066]
" ما تقبلت الفراق " [/glow1]
ماتــقبـلت الفراق ما ليدي فيه حــيله
آه لو ان الظروف المقبله تكشف قدرها
لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها
ما هقـيت الليله اللي جابت الفرقا طــويله
لين صارت ليلة امس بعيني اطول من شهرها
والعذاب اللي يذوب بـعين من يفقد خــليله
عندي اكبر من عذاب العين لو تفقد نظرها
والــحبيب اللي صدوده مثل مداته جزيــله
صد عني واعرفه لو صد عن حاجه هجرها
كن روحي يوم حست في جفاه وصعب نيــله
بشرتني بالضياع وشدة العزم لسفرها
مــا رحمها من هلاك وما تقبّلها دخيلـــه
تحتضر قدام عينه لين ماتت من قهرها
عاد ليت اللي ذبحها وارهب الموت بوسيلــه
ما دفن وجه الضحيه والسكاكين بنحرها
لــيت قلبه يوم سوى فعلته كمّل جميــله
لو غسلها من عروقه وبكفن صدره قبرها
من حـفر بضلوع قلبه حفرةٍ تكفي قــتيله
ليه ما يدفن قتيله بالضلوع اللي حفرها؟
اشــتكيته لـلرفوف وللبراويز الــهزيله
وانذعرت من النياح اللي سمعته في صورها
رحت اسولف للجبال الصم عن قصة رحيله
ما تركت متونها الا ينحت الدمع بصخرها
واحدٍ حقق جماله كذب اساطير الف لــيله
يسكن السبع البحور ويحبس الحور بدررها
الدروب بــكبرياها ترتجف تحته ذليــله
والورود اللي تقبّل خطوته تنبت بأثرها
والغصــون اليا بغاها تنثني لــه.تنثني له
والفياض ان حب ينثر عطرها يلمس زهرها
لو يصـوّت للغدير المنجرف جفــف سبيله
وان تبسّم للجبال الصامته نطّق حجرها
كل حاجه تستــوي له. لي بغاها تستوي له
بالنظر واستغفر الله لو بقول : انه سحرها
ذاك لو بس يتمنا فاكهة شجرة ضلـــيله
بس يفتح راحت ايده ويتساقط له ثمرها !
كـن ربي سخر له المعجزات المستحيــله
واصبح اسطوره وكل الالسنه تنقل خبرها
هان محجر دمع عيني لين جفّف سلسبيــله
والتفت لأخير دمعه قبّلت يده ونثرها
دمعةٍ كن بشقاها يوم طاحت في شلـــيله
جادلٍ جات بدويٍ تطلب الستر وسترها
له علي انه ليا من طاح من عيني تشـــيله
ولي عليه انه يرجّع لابتساماتي ثغرها
لو طعوني بالسكاكين بيده تشفي غلـــيله
لاشتريها من عذابي وادفع بدمي مهرها
واطلبه ينهال فيني طعــن لين يطيح حيله
بس لا يترك عيوني تنحرم نعمة بصرها
له بعيني مثل ما للطهر بــالنفس الاصيله
تقطع يدين الردا لو مس شعره من شعرها
مابغيته غير دربٍ شتّــت اقدام الــدليله
مزنةٍ ما بللتني واستحيت اطلب مطرها
والعطايا من يدين الخلــق للطالب قــليله
والوهايب من يد الله للعباد اجل وأرها
وان نسيت اني زرعت العشق وحظوظي بخيله
ما نسيت ان العطايا تستحق اللي شكرها
صعب تلقى شخص وافي يجزي الطيب بمثيله
والعرب قد قالت ان : الناس ما تترك قشرها

والعذاب اللي يذوب بـعين من يفقد خــليله
عندي اكبر من عذاب العين لو تفقد نظرها
صدقت والله وصح لسانك

تسلم يا عضيد السنافي

وصح لسان شاعرها ( حامد زيد ) على ما أعتقد

بس ياليتك تنسق القصيده على شان تسهل قرأتها

ودام تواصلك يالغالي

تسلم اخوى عضيد السنافى واللة يعطيك العافية وصح لسان الشاعر ومثل ماقل شاعرنا ابو عبداللة تنسيق الابيات لتسهيل قراتهأ ..وشكرا

[align=center][/align]



[align=center][/align]



[align=center]و[/align]


[align=center][/align]



[align=center] يـــا عـضيــــــــــد الســـنافي [/align]


[align=center]وفقك الله لما يحب ويرضى ولما فيه الخير والصلاح على هذه القصيدة الأكثر من الرائعة والجميلة الله يعطيك العافية ولا تبخل علينا بما جاد الله عليك من علم وسعة إطلاع بارك الله فيك ونفع الله بك وبعلمك,
اسأل الله أن يجعلها في ميزان أعمالك[/align]







[align=center][/align]

أشكر الجميع على المرور بين صفحاااااتي


يعطيكم عـــــــــــ1000ــــــــــــافيه