|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| المنتدى الترفيهي وتختص بالدردشة والنكت وقصص الفكاهة وسعة الصدر |
آخر 10 مشاركات
|
 |
|
|
أدوات الموضوع |
23 / 10 / 2011, 57 : 07 PM
|
#1 | |
|
تميراوي نشيط
|
زوجتـــي العـزيزه
السلام عليكم ورحمة الله وبركاته ....
في يوم من الايام كنت منسدح ع رجلين الوالده ومرفع عصاقيلي ع الكنبه  ,, كانت الوالدهتلعب في شعري  وتطلع حشرات وحركات وتغني لي وتقول نام ياحبيبي نام ونجيب لك فرخ الحمام...كنت اقول للوالده ياماما متى هاتزوج ويكون عندي زوجه واولاد ؟ كانت تقول ان شاءالله لما يجيك نصيبك حتتزوج؟ رديت وقلت متى يجي نصيبي طيب ؟ قالت وانا وش دراني الله اعلم ,لو علينا زوجناك من زمان بس وش نقول الشكوى لله شكلك بتقعد ع كبودنا.. حسيت بخاطري وقمت اركض وادخل الغرفه واجلس قدام المرايه واقول وش ذنبي اذا كنت حلو ولا بنت تقبل بي<<والعكس صحيح جت الوالده لمي وحضنتني  وقالت ماتخاف ان شاءالله بيجيك نصيبك وانت حلو والكل يتمناك <<ايه والله من كثر الخطابات عند الباب..قالت ياالله ياحبيبي امسح دموعك واغسل وجهك وروح العب مع بزران الحاره <<لا ويبوني اعرس بعد.. المهم وانا اللي امسح دموعي واطلع مع الورعان والعب معهم شمرا امرا شمس نجوم وانا مااعرف العبها بس اطامر  ولا ادري وين الله حاطني.. ويجون شلة بنات من عندنا الا وانا اللي ادلع قدامهم واسوي نفسي فهيم ..واقول للبزارين حركو حركو الحبل بسررعه واطامر .. الا ويحركونها البزران بسرعه وانا اطامر واطامر وفاق هل خشه ومسوي اني فهيم .. وفجآه يصقع الحبل برجلي واطيح وينشق سروالي ..ويقعدون يضحكون  علي واصير مهزله عنداللي يسوى ومايسوى .. واقوم اركض ادخل البيت واجلس سبوع كامل ماطلعت منه عشان ينسون اللي صآر .. المهم جلست سبوع كامل اطل من تحت الباب واشوف اللي براا ..كل هذا ماابي اطلع عشان مايضحكون علي.  .جت الوالده وهي فاتحه خشتها لااخر شي وقالت عزوزي عزوزي عندي لك بشاره بشاره .. واقول وانا مفهي الله من البشارات عاد قولي وش عندك .. قالت ام جيراننا خطبتك لبنتها .. الا اللي اقحص عيوني ومااستوعبت اللي تقوله ...قلت هاه وش قلتي ماسمعتك من اللي انخطب<<الله من الهول قالت انت انخطبت ..شفت قلت لك اصبر ويرزقك ربي..اها وش تبيني ارد عليهم موافق ولا لا الحرمه تستناني ع التليفون<<وش دعوه مافي مجآل افكر .. عاد في هل حآله انتم خابرين وش يصير<<بس للمجربين .. جلست العب في اصابعي وراسي باالارض وقلت والله اللي تشوفينه يايمه<<يعيش جوهـ .. المهم ونحدد موعد الخطبه وكل شي ويجون لمنا وتدخل علي الوالد ه وانا بالغرفه استعد ... ياالله ياعزوز وش جالس تحتري الناس لهم ساعه جايين بسررعه رح جب الشربات وتعال قلت طيب يايمه الحين بطلع روحي اسبقيني وجاي وراك ... المهم واروح للمطبخ عشان اجيب الشربات ... والقى على الفرن بريق زنجبيل عقب الوالده اصبح واخذه واطلع كيسان واصبهن فيه وماعوقي الا احط شفاطات فيهن <<يسمعون بالشربات.. الا وانا اطلع لهم وانا ارتجف ورجليني مو ثابته  ... وامي تقول لي ماشاءالله ماشاءالله بسم الله<<خايفه علي من العين..قالت ام العروسه ماشاءالله ولدك مثل الغزال<<تسمع بالغزال.. وانا اقعد جنب الوالده ومنزل راسي وخدودي حمر والعب في اصابعي واناظر من طرف لطرف<<يقطع ابو الحيا ... الا واشوف العروسه مرره حلوه راحت الوالده للمطبخ ..وقالت ام العروسه لبنتها .. اها وش رايك تبينه عجبنك ولا ندور ع واحد ثاني .. في هل حآل عصبت وارتفع ضغطي وقلت في نفسي وش دعوه لايكون جايبيني من الشارع بس الشكوى لله ابسكت وانطم ماعمر احد ناظرني ولو بالغلط..مو كل يوم تجيني عروسه قالت لي العروسه كيف الحال عزوزي.. قلت بصوت واطي تيب .. قالت ايش ؟ قلت تيب.. قالت والله مااسمعك ايش تقول ... جت امــي وحبت ترقع السالفه قالت ياحليله يستحي اصلن ولدي مره موادب وحيوي<<من جنبها.. المهم اتفقنا ع كل شي وصارت الملكه والدخله في ليله وحده ..وكنت مره متكشخ ومتزهب مثل الملوك والامراء معرس مثل القمر .. كنت جالس مع العروسه في الغرفه وساكتين ولو واحد تكلم الكل مستحي  ..عاد انا مليت وقلت خل اسولف وكذا وقلت لها: ممم ماتعرفنا ع المدام <<كف استغربت وقالت ايش؟ توهقت وحبيت  ا رقع وقلت لها لابس اقول انتي من جآبك <<امحق ترقيعهقالت عزوزي وش فيك حتى كلمتين ع بعض ماتقدر تقولها .. قلت لا بس انتي خابره يعني مستحي مستحي.. المهم قالت انا بقوم اغير ملابسي واغسل وجهي ومااطلع الا وانت مزهب العشا تراي جوعانه حدي<<امحق عروس ومعرس.. المهم راحت وجلست اصلح العشا ...جبت كيسة خبز وجبنه البقره الضاحكه وعصير ربيع وشمعه في الوسط عشان نعيش جو رومانسي<<اهم شي الشمعه.. طلعت من الحمام ورفعت راسي اناظرها الا وتجيني صدمه وتشخص عيوني انا في حلم ولا علم .. قلت من انتي من وين طلعتي .. قالت هههه امداك تنساني بسم الله عليك وش جاك.. قلت انا اعرفك عشان انساك بسم الله بسم الله اختفي اختفي كانك جنيه .. قالت يوووه العيشه معك ماتنتحمل هذا واحنا اول يوم احمد ربك ان فيه بنت جت وخطبتك<<كأنها غلطت وجرحت مشاعري<<مايلعب هو ومشاعره.. قلت هاه انتي زوجتي لا تلعبين ولا وش قصدك .. قالت ايه زوجتك وش فيني تغيرت ماغبت الا5دقايق وش جاك ماتشوف.. قلت لا بس اللي شفتها وحده ثانيه اشباهها غير شكلها غير مره حلوهـ.. قالت وش تقصديعني انا جيكره.. قلت لا بالعكس انتي اجمل الجميلات انتي ووجهك اللي كآنه مغرفه.. وش اللي غيرك ليه صرتي كذا ..قالت مافي بس غسلت مكياجي ووجهي وطلعت ... رحت سيده للحمام لقيت البلاعه وانتم بكرامه منسده بسبب المكياج اللي غسلته . .والحمام كله الوان كانه قوس قوزح تقولون حاطه 100كيلو مكياج في وجهها.. التفت لها وقلت لا هذي خيانه كذا اقعد في بيت اهلي مطلق ومااتزوج ولا اقعد معك دقيقه وحده ...يلعن بليسك انا كنت اقو لاني جيكر ووع بس يوم شفتك ع حقيقتك الحمدلله احمد الله انا في نعمه... وجلست اتهاوش انا وياها  المهم جمعت اغراضي ورجعت  لبيت اهلي في ذيك الليله مطلق ...امي دخلت في غيبوبه المسكينه ماامدها تمدد عصاقيلها ساعه وترتاح من وجهي الا وانا راجع لها في نفس اليوم...شطحه مختصره وما مايستفاد من هذي الشطحه ... تخيلو ياشباب ان البنات يجون ويخطبونا ...عآد انا جمالي فتان ابحط كتلوج صور خطابات اللي بيتزوجني وابشوف من ابي ومن ارتاح له ...المشكله في الشباب اللي غيري الشينين الي بيقعدون في كبود اهلهم .. ثاني شي اقول لبعض البنات ليله العرس تخفف مكياج مايحتاج طبقات والوان تقولون كآنها لوحه يشخمطون فيها بزارين.. وسلامتكم... <<للمعلوميه الايقونات جايات من نفسها |
|
|
|
25 / 10 / 2011, 51 : 03 PM
|
#2 | |
|
تميراوي عريق
|
رد: زوجتـــي العـزيزه
هههههههههه
 الله يقططع بليسسسك  خخخخخ البنات هم الي يخطبووون ياي وناااسه  <<برآآومششاء الله عليكم قبل الزوآج عند الحلاق تسسوون صنفره لبششرتكم   <<السسموحه خخخخيعطيك الف عافيه ع الططرح الجمميل 
|
|
[flash=http://dc10.arabsh.com/i/03473/c69ij77ptj3m.swf]WIDTH=500 HEIGHT=222[/flash] (ودي بشوفك لكن الوقت غلاب)
|
|
27 / 10 / 2011, 46 : 01 PM
|
#3 | |
|
تميراوي سوبر
|
رد: زوجتـــي العـزيزه
ههههههههههههه
الله يعطيك العافيه |
|
|
|
27 / 10 / 2011, 05 : 05 PM
|
#4 | |
|
تميراوي سوبر
|
رد: زوجتـــي العـزيزه
الله يرج بليسك بس والله انك صادق البنت لازم تحط مكياج 100 كيلو زي ماقلت
الله يعطيك العافيه |
|
|
اكـــــبــــر فـــــــــخــر لــــقــلــــت انـــي تـــــــــمـــيـــراوي
|
|
23 / 11 / 2011, 16 : 12 PM
|
#5 | |
|
تميراوي نشيط
|
رد: زوجتـــي العـزيزه
حيآكم منووورين
|
|
|
|
|
25 / 11 / 2011, 36 : 11 PM
|
#6 | |
|
تميراوي برونزي
اللهم اشرح لي صدري
|
رد: زوجتـــي العـزيزه
ههههههههههههههههههههالله يقطع بليسكمشكور
|
|
 اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي فيه
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
