الحمد لله أخونا بندر اليحي الناصري التميمي بين والدته واخوانه

السلام عليكم ورحمة الله وبركاته

هذه القصيده نداء من بندر الناصري العمري التميمي الذي يقبع بالسجن منذ سبع سنوات وقد صدر بحقه حكم شرعي بالقصاص عند بلوغ القصر من أبناء المقتول رحمه الله راجياً من الله ثم من أبناء قبيلته الوقوف إلى جانبه وبذل ماباستطاعتهم أن يبذلوه من أجل عتق رقبته ,
للعلم لاأعرف ابن العم هذا ولم أقابله أبداً ولكن يربطني به شي واحد الدم الذي يجري بعروقي وعروقه دم تميمي وقد دعيت لحضور مجلس لوجهاء القبيله وذلك لتكوين مجلس عمل لإدارة وتجميع الجاه وكان بحضور الدكتور عبداللطيف آل شيخ الكتور عبدالرحمن الفريح والشيخ عبدالله المهنا والأستاذ حسن آل حوتان والأستاذ خالد الحسياني و أخوكم سليمان الغميز بضيافة ابن عم بندر عبدالمحسن وأخوة بندر وقد أرسل لي ابن العم بندر هذه القصيده وبعد انتهاء العشاء والفراغ من المجلس تمكنت ولله الحمد من إجراء مكالمة هاتفية مع بندر من سجنه ووضح إيمانه ورباطة جأشه

قـال التميمـي والتميمـي بـنـدر دنيا الفنـا لا بدهـا مـن دبورهـا

من عاش بالدنيـا سنيـن طويلـه يشوف مايبحـث خفايـا امورهـا

تشـن غـاره وتبـحـث خفـايـا ظلمها غطت في سمانـا بدورهـا

فـتـانـة عـجـابـة لـعـابـة وسم الحيايا رايـب فـي ثغورهـا

تزخرفت للجاهـل اللـي تشوفـه وأقبل لها نشوان يقطف زهورهـا

غرتني بزهـرة شبابـي ودهتنـي أدهى دواهي الداهيه من دهورهـا

وأنا صغير السـن بالغـي غافـل نشوانة روحـي بلجـة عطورهـا

فاجأتني ماتميـت عشريـن حجـة لين أغرقتني في غياهب بحورهـا

جرالي من أسباب الليالي حـوادث ونفسي توارت من عناها سرورها

وأصبحت في سجني دريك مجنـدل في غبت صعـب علينـا عبورهـا

صبرت لين الصبر يانجـد ملنـي ومزن الفرح شحت علينا بكورهـا

ياما سهرت الليل في هجعت المـلا أبكي من صروف الليالي وجورهـا

عـزاه ياعـزاه ياحنـون تحنـي وأرجي عظيم الشان يجبر كسورها

أمي عليها اليوم فاضت محاجـري تزورني من عقب ماكنت أزورهـا

لولاها يابن صقيه ماضاق خاطري ولا شكيت أيامهـا مـع شهورهـا

ماهبت من موتـي ولابـي مخافـة أصبر ولو صاليت حامي حرورها

على النقا مانيب من يجلـب الخنـا كبوة جـواد واطحنتنـي بزورهـا

ذالي سبع سنين أصيـح وأنتخـي وأبكي رجال دفنـت فـي قبورهـا

أصيح وأنخى واعتزي وأتعـزوى في لابـة ماحسبـت لمخسورهـا

أنخـى نفـوس للمعالـي رفيعـة يموت الردى طول المدى مايزورها

أنخى رجـال للصعيبـات ترتكـي تسبق خطاويها ركايـب سبورهـا

أنخـى ولـي لابـة تعشـق الثنـا في ساحة الهيجا يشرف حضورها

أنخـى عشايرهـا وذروة سنامهـا كواكب هـدي المسـاري بنورهـا

أنخى المعمر والعناقر وبني سعـد اللابه اللـي للمـلا بـان دورهـا

وأنخى الشبارم والمعاضيـد كلهـم هل الراي لامن ضاع للناس شورها

وأنخى الماضي والمزاريع ومن لهم اللي غشت بيض المدايح قصورهـا

وأنخى على الفزعه جموع النواصر الندر اللي من مجانـي اصقورهـا

وأنخى هل الحوطه هل المجد كلهم عنابـر للضيـف تذبـح لخورهـا

سلايـل العنبـر مقاديـم عمـرو مفنين جمع الترك ماضي عصورها

ياكرام اللحـى يالابـة العمرويـه مقـادم للمـوت تفتـح صدورهـا

أنخاكم وأنخـى اللابـة الحنظليّـه اللي مع الأفعـال توفـي نذورهـا

تميـم ياعـزي وياتـاج راســي قبيلة محـد وطـا ظـل سورهـا

تميم يابحر النـدى لطامـت العـدا أنتم لها من يوم صكـت عسورهـا

من دوحة الأمجـاد لقفـار حايـل نـدّر حـرار بالمعالـي وكورهـا

أنتم هل الفزعات حفاظـة الشيـم ياهل اليمان اللي طـوالٍ شبورهـا

يشهـد لكـم تاريخكـم والقبـايـل وصفحات مجد حافظين سطورهـا

الحمد لله حمداً يليق بجلاله الحمد الله الذي انعم على اخونا بندر اليحي بعفو ذوي الدم عنه واعتاق رقبته الحمد لله الذي لايحمد سواه اخبرني ابناء العمومه في القصيم ان بندر ولله الحمد والمنه بين والدته واخوانه عقب خروجه من السجن بعد ان اعفى عنه اولياء الدم نبارك لوالدته واخوانه ونبارك لكم جميعكم واشكر كل من ساهم في قضية اخونا بندر ونشكر امير منطقة القصيم وسمو نائبه لما لهم من بصمة واضحه في هذه القضيه ونشكر كبار بني تميم .

للأمانة
منقووووووووووووووول

الحمدلله أولا وأخرا على خروج بندر اليحيى الناصري التميمي
وعسآه أخر الأحزان ياااارب

الف الف مبروووك لهم والله يجازي أهل الدم بالخير يوم أعتقوا رقبته .

الحمدلله على سلآمته ..
ومشكور آخوي على الخبريه

الحمدلله مشكور على الخبرية الحلوووووووووة

اللهم لك الحمد ولك الشكر
والحمد لله على سلامته