خافي الغلا للشاعر / فهد المفرج

--------------------------------------------------------------------------------

خافي الغلا




من قبل اشوفك وانا مبسـوط للغايـه ،،
اضحك واسولف واهرّج من يهرجني

ومن يوم شفتك وانا يامهجتـي تايـه ،،
انقل جروحي وادوّر مـن يعالجنـي

يا سر خافي الغـلا يـاداي يادوايـه ،،
من سجن حبك عسى ربي يخارجني

انا اعترف لك بأنك فـالجمـال آيـه ،،
ولا حل طاريك بين الناس يحرجنـي

احفت خدودي دموع العيـن وبكايـه ،،
وهموم قلبي مـن الفرقـا تخالجنـي

ومن كثر مااكتب قصيد اتعبت يمنايه ،،
معذور مـادام حبـي لـك مبنجنـي

انفـذ اوامـرك فـالحـال برضايـه ،،
حبك على الطاعه العميـا مبرمجنـي

هجرك عذابي ووصلك غايـة منايـه ،،
والى تبسمت لـي كنـك محججنـي

باالمختصر ياقمـر ليلـي ومسرايـه ،،
اطلق سراحي تراني ضقت من سجني

اما اعطني ماطلبـت ونـزّل الرايـه ،،
والا توكـل علـى الله لاتولجـنـي

لاتتصل بـي ولا تـدوج فـحمايـه ،،
ترى اتصالك عقب فرقاك يزعجنـي

يـاالله ياالمعتلـي عليـك شكـوايـه ،،
محتـاج يـاالله لغيـرك لاتحوّجنـي

الشاعر / فهد المفرج

نقلها لكم / مخاوي سدير.

الاخ مخاوى سدير هلا وغلا

وتسلم على النقل المميز والله لايهينك

وصح لسان فهد المفرج

تحياتى

اما اعطني ماطلبـت ونـزّل الرايـه ،،
>>>>>>>>والا توكـل علـى الله لاتولجـنـي

صح لسان ابو مشهور

ويعطيك الف عافيه يامخاوي سدير على النقل الرائع

يعطيك العافية يا مخاوي سدير على هذا القصيده وصح لسان الشاعر فهد المفرج

[align=center]بارك الله فيك
مشكوووووووور اخوووي الغالي مخاوي سدير
قصيدة رااااائعه ...صح لسان قايلها
وتسلم على أختيارك الموفق..
دمت ودام عطاك والله يحفظك
جهد جبار ومميز
وإلى مزيد من التميز والإبداع[/align]
[align=center]ولكم ارق تحيه من اخيكم في الله...........مرعب النفوس[/align]
[align=center][/align]

فهد المفرج
الشاعر القادر باستمرار على جذب القارئ لمتابعة قصائده بشغف ليس له حدود .
ابو مشهور
صح لسانك،،

[align=center]انا اعترف لك بأنك فـالجمـال آيـه ،،
ولا حل طاريك بين الناس يحرجنـي

تسلم يمينك اخوي مخاوي سدير على النقل المميز

وصح لسان ابو مشهور[/align]