كتبها الشاعر على لسان سجينة خميس مشيط
أنا يا رب لـي حاجـه وحاجـه
أنـا زرعٍٍ تأخـر عـن نتاجـه
مضت سبعة عوام بلا انفراجـه
ألا يـا رب شيـل الهـم عنـي
صباحي غير عن كل الصباحـي
وإذا حل المسـاء زاد النياحـي
وصدري ما يعـرف الانشراحـي
وساعاتـي يـمـرن بالتـأنـي
أنا لا جيت اعبر عـن شعـوري
يضيع الوقت والكلمـه بـزوري
ألا يـا لايمـي جعلـك بـدوري
تذوق المـوت وسهـومٍ رمنـي
توفـى والـدي وانـا سجينـه
وذقت الموت من بعـد الغبينـه
تمـر سنيـن وايامـي حزينـه
ونفسي ضايقـة والهـم أكلنـي
ابي صدر امي الدافـي واضمـه
وابي منها الحنان اللـي تضمـه
وابي يوم السعاده لـي أضمـه
عسى الأفراح لو غابـت يجنـي
فقـدت الحـب وأيـام الحنانـي
فقدت الأهل واقربهـم اخوانـي
فقدت العالم اللـي مـا نسانـي
أموت وكل ما اصحي بس اونـي
شربت العلقـم اللـي تعرفونـه
وحالي حال يـا ربـي تصونـه
بكيت وحالتـي مـا يرحمونـه
هل النمات في عرضـي تغنـي
إلـه الكـون يـا رب العبـادي
إلاهي صار عرضي في مـزادي
طلبتك تسمع اللـي لـك تنـادي
وترحم جسمي اللي صار شنـي
وابيك تنزل الرحمـه لخصمـي
عسى يعفون عن لحمي ودمـي
ويبقى للأمـل يـا رب سهمـي
إلاهـى لا يخيـب اليـوم ظنـي
كتبت رسالتـي عبـر الجريـده
لعبـدالله وابـو خالـد عضيـده
حمـاة المملكـة ضـد المكيـده
اهل للمكرمـة فـي كـل فنـي
عسى يشملنـي العفـو المؤكـد
واصوم وكل يوم لربـي اسجـد
واعيش بدنيتي وافـرح واسعـد
صغيره والله اعلـم كـم سنـي
ابا افرح يوم كـل العيـد فرحـه
واعالج روحي وقلبـي وجرحـه
سنين السجن عيدي صعب شرحه
يمـر العيـد وهمومـي كونـي
سجينه والسجن لجـل الكرامـه
ولانـي مثـل هاذيـك النعامـه
تعرضت الخطر لجـل السلامـه
أموت بعز لـو محـدٍ رحمنـي
خليل المطيري ( حسام الشعر )
03 / 11 / 2006, 17 : 01 AM
سجينة خميس مشيط
