[poem=font="Arabic Transparent,5,black,normal,italic" bkcolor="transparent" bkimage="backgrounds/34.gif" border="double,4,skyblue" type=1 line=1 align=center use=ex num="0,black"]
العيد ماهو من شرى ثوب وأعقال= العيد فرحة ساكنه بالضمايـــــر
والعيد ماهو بس للي معه مــــــال=العيد للي يكتسي بالمشاعــــــر
العيد عاد وبيتنا دون رجـــــــــــال =حتى الحزن أصبح لهالبيت زاير
مابي من الدنيا سوى قول ويقـال=هذا أبوهم وسطهم دوم حاضـر
أواه من دمعٍ غدى اليوم سيـــال= والناس حولي تلتهي بالمناظـــر
هذاك عبدالله همومه كما أجبال = وانا همومي تعتلي بالمنابــــر
بخفي همومي عن بني العم والخال= يالله ياعالم بخافي السراير
وين أنت عيدي حالنا مال ثم مال = وين انت ماتخفى عليك المخابر
عفت الذهب والماس وأطنان من مال =أبي مشاعر ترسم الشوق طاير
أبي القلوب الصادقة تشرح البال =ماني من اللي يعشقون المظاهر
همي كبير وماقوت حمله أجبال =حملٍ كسرني مالي اليوم جابر
تعبت من هول القدر ولعبة الفال= تعبت أنا واتعبت ذيك المحاجر
الناس تتعايد وأنا الهم لي حال =وأصبحت بين الناس غايب وحاضر
ناسٍ معك قربك وهي عنك في حال= وناسٍ تودك تسكنك بالنواظر
وناسٍ تبي الفرقى وتزود القال=وناسٍ تمنى لو تقيدك مجامـــر
ليت الجفا كلمة بلحظه وتنزال= وليت الوصل دايم يزور الخواطر
يابوى "تكفى"مقدمك للحزن شال= وانا بيوم العيد ابيك حاضر
لاتكون مثل اللي حكى قول وأنقال = الزول معهم والفرح في المقابر
يابوي دمعي أصبح اليوم موال=عطني أمل وصلك بصدق المشاعر
والله لألبس لك من الفرحة أعقال= وروحي على وصلك بخور ومباخر[/poem]
03 / 11 / 2006, 08 : 12 AM
قصيدة مابعد العيد..
