|
|
هَمْس الْقَـgافِــي مآتغترفه ذوائقگم من بحور الشعر |
آخر 10 مشاركات |
|
أدوات الموضوع |
04 / 10 / 2006, 06 : 03 AM | #1 |
موقوف
|
أنـت خابرنـي بدويـة
قالـت الله لايهينـك أنـت خابرنـي بدويـة =ماأحب اللي يمسس غترتـه ويضبـط عقالـه الشاعر/بند الرشود
انـا ودي ببـدوي(ن) يمشـي بدمـه حميـة =لاتعـزوا بالقبيلـه كلهـم صـاروا عيـالـه البدوا غالين عندي لو حصـل منهـم خطيـه =الولد فيهم يساوي شيـخ ٍ بجاهـه ومالـه قلت انـا انعـم وأكـرم ماكذبتـي ياأجوديـه =سجـل التاريـخ عنهـم البطولـه والجمالـه لكـن الله لايهيـنـك لاتناسـيـن البقـيـه =الحضر رجالهم ياوسع صدره وطـول بالـه في المواقف انشديني مايتخلـى عـن خويـه =لافزع ماعاد يدري مـن وراه ومـن قبالـه وضيفهم يبشـر بعـزه والوفـا والمقدريـه =كل واحد يسبـق الثانـي ولا نـدري بحالـه قالت اكبر عيب فينـي يالحضـر النرجسيـه =ماأظن احـد ٍ بيغنينـي بطبعـه أو جمالـه انا احـب اللـي زهابـه حاجتيـن وبندقيـه =يفتخر بالذود ويسرح كل يوم ٍ فـي حلالـه وان لفاه الضيف شاف الفرق شاف الناس حيه =بدوي(ن) صوت نجره اطرب الطرقي وعنا له قلت انا ليه اختلقتي فـرق وسويتـي قضيـه =الكبر لله والمؤمـن ضعيـف بـراس مالـه يابدويه الجروح اللـي مـن اسبابـك نديـه =والخفوق اللي تحرى جيتك يامـا جـرا لـه والعيون اللي تمنت شوفتـك صـارت شقيـه =والفراق اللي بليـا ذنـب يذبحنـي رحالـه قالـت الله لايعاقبنـي انـا بنـتٍ بريـه =من السوالف كلها والحب وين اللي وفـى لـه ياولـد لاتحسـب انـي جاهلـه والا غبـيـة =الهوى ماهو كذا والحـب انـا مابـي مجالـه انا اخوي لياقال اخو فلانه عرفت اني بدويـة =تجتمع روس العرب له من يمينه ومن شمالـه |
|
04 / 10 / 2006, 35 : 05 AM | #2 |
VIP
|
انـا ودي ببـدوي(ن) يمشـي بدمـه حميـة
لاتعـزوا بالقبيلـه كلهـم صـاروا عيـالـه 7 7 تسلم يمينك على نقل هالجمال لله درك يالقرم دمت بخير |
|
05 / 10 / 2006, 05 : 02 PM | #3 |
مشرف سابق
|
صح لسان الشاعر بندر الرشود
وتسلم ياالغالي في الصميم على هذا الابداع ولاعدمناك يالطيب |
سبحان الله وبحمده ،،، سبحان الله العظيم
|
07 / 10 / 2006, 22 : 12 AM | #4 |
موقوف
|
شاكر مروركم الكريم / يا سحايب صيف واخوي السنافي وا تمنى انها حازت على إعجابكم
|
|
08 / 10 / 2006, 11 : 10 PM | #5 |
مشرف سابق
|
صح لسانك يا اخوي في الصميم وصح لسان الشاعر
قصيده رائعة منك |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|