الامل ضايع لكن الاماني مو حرام

.
.
.


ضاق صدري .. و رحت افضفض قاصد ٍ نفس الرصيف !
شفت نور الحي زايد و آنا .. خبري به ظلام


و الغريب .. انه خفوقي زاد نبضه .. مدري كيف !!
كني طفل ٍ .. يبكي .. خايف .. ضايع ٍ وسط الزحام


اثْرها كانت وراي .. و الضيا ما كان طيف
قبل ما اوقف و اسلّم .. قلبي المشتاق قام


ما طرى في بالي الا (يا بَخَت من لك وليف )
عينها بعيني .. و نظره .. رجعتني كم عام


فجأه .. شفت اشجار تخضر و هْيَ .. في عز الخريف
و هذا هو حال المفارِق .. يوم يطري له الغرام


يبتسم .. يشبه بشوقه .. للنظر شخص ٍ كفيف
الأمل ضايع .. ولكن .. الأماني مو حرام


الثواني تمر و تمضي .. اشهد ان الوقت سيف
فجأه قالت ( كيف حالك ) قبل ما ارمي السلام !


كنت احسْب اني قوي .. لين اكتشفت احساسي زيف
ما عرفت انطق بكلمه .. شاعر و خانه الكلام !!!


كيف اقول اني بخير و باين بقلبي النزيف ؟
و الملامح بان فيها عين ما عادت تنام


مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )


و انسحبت بْلا تردد لني انسان ٍ ضعيف
و القوي لا شاف موته .. يوم يضعف ما يلام


.
.
.

كلماااااات في غآية الروعه وآلله ,

الله يعطيك العافيه على الطرح الجميل,,

ولآ تحرمنا من إبداعاك,

ؤودي ㄨ

اقتباس: كلماااااات في غآية الروعه وآلله , الله يعطيك العافيه على الطرح الجميل,, ولآ تحرمنا من إبداعاك, ؤودي ㄨ

الله يعافيك يالغلا ع مرورك الروعه

كلمآت رووعه برووعتك خيوو

مششكور ع هيك آبيآت ,,

تسلم اخوي الهلالي كلمات جميله وراعه..

ابياات رووعة تسلم لنــا ذائقتكــ

ابيات رائعه
يعطيك العافيه على الاختيار

آبيآت روعه ..
تسلم آخوي على الآختيآر

^تسلم آخوي ع الآختيآر بجد رووووعه^

شكرا ع الطله الحلوه يعطيكم الف عافيه