ليلتي

[align=center]ليلتي عادت تبـي منـي اجابـه
كيف اقرربعد ماغبتـي نهـاري
كيف انام ولهفة اجفانـي غدابـه
طيفك اللي مـر سالبنـي وقـاري
نجمي اللي طاري اشواقي سرابـه
وجهك اللي كنت معتبـره مـداري
ماتركتي خلـف ضلعينـي رحابـه
عش قلبي موحشه غصن انكساري
اتصـوف كـل ماغنـت ربـابـه
واتبنا صرخـة فـروخ الكنـاري
ارهقتني دهشـة وجيـه القرابـه
كل ما عانـق علـوي انحـداري
ذي خلايا ديرتك محدٍ مشابـه
يوم عطرك ماغفر ذنب الحـواري
اتصعلـك بيـن احيـاء الكـابـه
واتحرى يوغل بدربـك مسـاري
جف دربي يشحذ انفاسك سرابـه
يوم بلت خطوتك ريق الصحـاري
ماتسـد البيـض عنـك بالانابـه
لن حبك بـس معتبـره شعـاري
ذي يميني من حضنتيهـا مُذابـه
وين غبتي بعد ماشُلـت يسـاري
محتلب لك بيـن كفينـي سحابـه
يوم كفك مارحـم كـف انتظـاري
في عيونك كل خلـق الله تشابـه
وفي عيوني كل خلق الله عـذاري
محمد الوبير[/align]

تسلم يا في الصميم أختيار جيد

ويوم قريتها أحسبها لابن علوش لانها تشبه طواريقه

شكرا على اختيارك العذب