¬ رجلٍ يبى طاريه عند الحبيبه .. ♥

××

يالله تعديها على خير و .. [ تصيب ]
........... من حدنى .. أكتب خماله و / عيبه

يبغى الصراحه مابها .. شك او ريب
........... بَ أقولها و الناس كلن و .. [ طيبه ]

الحر ما ينفع بليا .. ( مخاليب )

........... و .. العقل للرجّال ..زينه و هيبه

و السالفة .. ماهى بلحيه / مواجيب
........... كلن على ( طبعه يجيبه حليبه )

بعض المنابت بالمراجل .. / عذاريب
........... و بعض المنابت للمراجل .. خصيبه

رجلن يبى طاريه عند الاشانيب
........... ورجلن يبى طاريه عند .. ( الحبيبه )

و رجلن / يودى بالسواليف و يجيب

........... و رجلن سواليفه ( لفعله تجيبه )

ورجلن يغض الطرف عن جارة صحيب

........... و رجلن عيونة فى .. ( محارم صحيبه )

ورجلن يغيب و يفقدونه هل الطيب

........... و رجلن ليامن غاب .. / ماحدن دريبه

و رجلن تشوف بخوته لك مكاسيب
........... و رجلن تشوف بخوته لك غليبه

و رجلن اذا اخطى يرى نفسه مصيب
........... و رجلن اذا اخطى يراها .. / مصيبه

قلت الصراحه ما بها شك او ريب

........... كلن على ( طبعه يجيبه حليبه )

اشره وشرّه كان تبغى المواجيب
........... عط حق تاخذ حق مابة ( معيبه )

××

مشعل بن دهيّـم ..

قصيدة مليئة بالحكم والمواعظ
حقا انها دروس من الحياة
اهنئك على ذوقك

ورجلن يغيب و يفقدونه هل الطيب
........... و رجلن ليامن غاب .. / ماحدن دريبه

آحرف من ذهب
رائعه ,
سلمت الذائقه ي مزآجية

آبيآآت رآئعه يآلغلا
وذوق رفيع بآالانتقآء:$
لاهنتِ

آبيآت روعه
سلمتِ يآقلبي على آختيآرك وذآئقتك المترفه ..

تسلمي يــ مزاجية تمير ..
على هذا الذوق في الاختيار .. والانتقاء المميز ..
كلمات جميله ،، ورائعه ..،،

آسطر آعجآآبي بمآ خط وسطـر هنآآ ،
طررح رآآئع وكلمـــآآت آرووع ,
وعبــآآرتي تقف عآآجزه وصآآمتهه عن آلتعبير ,
وآآصصلي ي مبدعهه ~| |

يعَطيكم الف عَآفيه حبآَيبي على هـ الحضضور الرآئععَ . . !
الله لآ يحرمَني منْكم

أبيات رائعة