::خايف عليها من الثرى غطاها::قصيدة مؤثرة عن الآم :(

خايف عليها من الثرى غطاها..
وإلا الحصى حافيه أخاف أذاها..

أكرم عليها بالكفن يامطوع
.. بالبيت ظل فراشها وغطاها..

أكرم عليها بالكفن هذي(أمي )..
وأشهد عليها بما عطت يمناها..

هذا الضحى والليل يتحرونه ..
هذي السماء ونجومها تنعاها..

هذي السوالف مثلنا تبكيها..
والأرض تنشد عن أثر لخطاها..

هذي الكبيره كبر هذي الدنيا..
هذي العظيمه جل من سواها..

أبكي عليها مو نهار وليله..
ولا سنه تمشي وأعد قضاها..

أبكي عليها كثر ماشالتني..
وكثر الحنين اللي أختلط بغناها..

وكثر الاسامي وكثر من سموها..
وكثر النجوم وكثر من يرعاها..

أبكي عليها من القهر يادنيا..
من لي أنا..من لي عقب فرقاها..

من فتحت عيني ولا خلتني ..
شوفو ولدها بالقبر خلاها..

هل التراب بوجهها ماقصر..
شوفو ولدها كيف هو جازاها..

لو انها بمكاني ماسوتها..
لكن أعز عيالها سواها..

"يالدووود" شفها ذابله جنبها..
أنا ولدها وحاضر وأفداااها..

قطعني هاك اللي تبي من جسمي
.. بس الكريمه لاتجي بحذاها..

أوصيك أمانه قلها تعذرني..
وتكفى ترووح تحب لي ماطاها..

أبيها تغفر لي مثل ماكانت..
كل خطوه مني تصيبها ترضاها..

يالله عساها بالنعيم الخالد ..
وعسى في جنة عدن سكناها..

يافضي هذا الكوون ياهو خااالي ..
ياضيق هذي الدنيا يامقساها..

يامر طعم فراقها يامره..
ماني مصدق أرجع وماألقاها..

ياليتها ماراحت وخلتني..
أو"وسعت لي بالقبر وياهااا"..

مخرج:

رسالة إلى كل من كانت أمه على قيد الحياة

أن يقبل رأسها ويديها وقدميها براً بها قبل أن تغيب عن ناظريك فالجنة تحت أقدام الأمهات

قال تعالى ::"وَ اخْفِض لَهُمَا جَنَاحَ الذُّلِّ مِنَ الرَّحْمَةِ وَ قُل رَّب ارْحَمْهُمَا كَمَا رَبَّيَانى صغِيراً":: الاسراء(24).

آن شالله تروق لكم /

لميــس

كلمات ،، معبره عن فضل الأم .. والبر بها ..
الله يبارك فيك ،، الأخت لميس ..،،

سلمتي ع الكلمات الرائعه
عوافي يا لغلا

لي
الله من خير ن انا عايش فيه. !!!!!! كاه من الله ثم من دعوة امي
ما اكبر فضل الام وما اعظم حقها
اللهم ارزقنا برها واضها عنا
شكرا ايها المبدعة لميس على اختيارك الرائع وبانتظار المزيد
تحياتي

ياليتها ماراحت وخلتني..
أو"وسعت لي بالقبر وياهااا"..



آبيات رائعه وجدا جميله ومؤثره

لميس حبيبتي آهنيئك ع هذه الذأئقه العذبه

الله لآيحرمني من أمي ويخليها لي

ولآيحرمك من أمك ويخليها لك

عوآفي غاليتي ع ألآنتقاء العذب والجميل

ودي وتقيمي لك

اقتباس: المشاركة الأصلية كتبت بواسطة الباهي    كلمات ،، معبره عن فضل الأم .. والبر بها .. الله يبارك فيك ،، الأخت لميس ..،،

ويبآآرك فيك يآلطيب
منور خيو

اقتباس: المشاركة الأصلية كتبت بواسطة شمس الوله    سلمتي ع الكلمات الرائعه عوافي يا لغلا

الله يسسلمك يآآقلبي
نورتي يآحلوةة

اقتباس: المشاركة الأصلية كتبت بواسطة العالمي    لي الله من خير ن انا عايش فيه. !!!!!! كاه من الله ثم من دعوة امي ما اكبر فضل الام وما اعظم حقها اللهم ارزقنا برها واضها عنا شكرا ايها المبدعة لميس على اختيارك الرائع وبانتظار المزيد تحياتي

اللهم آمين ومايحرمنا من طلتها يآرب
العفو يالطيب مشكور على هالطلةة
نورت يآلعاآلمي

اقتباس: المشاركة الأصلية كتبت بواسطة ملامح صادقه    ياليتها ماراحت وخلتني.. أو"وسعت لي بالقبر وياهااا".. آبيات رائعه وجدا جميله ومؤثره لميس حبيبتي آهنيئك ع هذه الذأئقه العذبه الله لآيحرمني من أمي ويخليها لي ولآيحرمك من أمك ويخليها لك عوآفي غاليتي ع ألآنتقاء العذب والجميل ودي وتقيمي لك

آللهم آمين
والله يوم سمعتها آمس ودي اصحي امي ابوس راسها
حسيت اني مشتاقه لها يقطع ابوالشوق الاجاء باخر الليل
والله يخليهم لنا ويآآرب ماتحرمنا منهم ولامن برهم
مشكورة يآقلبي على الطلة الحلوة والتقييم
منورة يآحلوووة

قصيده روعه تعجز عن وصفهآ الكلمات
الله يخلي لي آمي ويرزقنآ برهآ ويخلي لكم آمهآتكم يآرب
تسلمين لموس على الـأختيآر والذآئقه المميزه