يااحسن من يتذوق

البارحه ربي كتبلي ومرّيت=درب عليه بروق الاحباب لاحت
جيت المكان اللي جمعنا وخفّيت=وقامت جروحي للجوارح وصاحت
ياليتني في لفّة الدرب زلّيت=كان العيون من الدموع استراحت
ألتَمّ غيم الدمع من يوم لفيّت=ووَرْقا القصيد لشوفة الغيم ناحت
وضحكت ماابغا الناس تدري يا بلفيت=لكنها غصب(ن) عن العين ساحت
حارت دموعي في عيوني وصدّيت=وأرمشت ابيها ما تبين .. وطاحت
وعقبه برق في العين برّاق وأسقيت=خدّي وونَّاتي بصدري تلاحت
وانا احسبنّي في فراقك تعافيت=وان عبرتي من مدخل الزاد زاحت
اللي يحسب اني عن البعد سجّيت=والا ان عيوني للرقاد استبحات
ياليتني من قبل لا احبه اقفيت=والا ان دروبي عن دروبه تناحت
اهون علي من البكا والتناهيت=واشلى من سدود(ن) على الناس باحت
عرفت كيف الحي يفرق عن المِيت=وعرفت قيمة نعمتي يوم راحت
قولوله اني عقب بعده تدانيت=ورجلي عن دروب المعافين شاحت
البعد نار وطاعت العذل كبريت=يقصر على بعده .. ترى الكبد فاحت
منقول لابن فطيس

صح السان قايلها وصح السآن ناقلها

تحيتي لك

عافاك الله ابو عبدالعزيز اختيار موفق
بس ياليت تزخرف الكلام وتكبر الحروف
ترى فيه ناس شوف شجر

دائماً مبدع يالعالمي
في الطرح والنقل والاختيار

حـارت دمـوعي في عـيـونـي وصـدّيت
و أرمشت أبيها ما تبين .. وطاحت
وعقبـه بـرق في العـين برّاق و أسقيت
خــدّي و ونَّاتـي بـصــدري تـلاحــت

يـعـطـيــك الـعــافـــيـــــــــة

اقتباس: المشاركة الأصلية كتبت بواسطة همس الجفاء    صح السان قايلها وصح السآن ناقلها تحيتي لك

ولسانك اختي
مرورك بركة

اقتباس: المشاركة الأصلية كتبت بواسطة النادر    عافاك الله ابو عبدالعزيز اختيار موفق بس ياليت تزخرف الكلام وتكبر الحروف ترى فيه ناس شوف شجر

حبيبنا المدير
نورت الصفحة
ياحبي لك ولابوك
يمكن ابوك الله يخليه لك ماشاف الحروف
وش رايك ارسل لكم دربيل هدية

اقتباس: المشاركة الأصلية كتبت بواسطة سهيل تمير    دائماً مبدع يالعالمي في الطرح والنقل والاختيار حـارت دمـوعي في عـيـونـي وصـدّيت و أرمشت أبيها ما تبين .. وطاحت وعقبـه بـرق في العـين برّاق و أسقيت خــدّي و ونَّاتـي بـصــدري تـلاحــت يـعـطـيــك الـعــافـــيـــــــــة

كلك ذوق ياسهيل
انت مكسب للصفحة

اختيار موفق وذوق رفيع

آبيآت روعه
آبدعت بـ لـأختيآر

اقتباس: المشاركة الأصلية كتبت بواسطة الأنيق    اختيار موفق وذوق رفيع

انت الاجمل والاروع
الله يوفقك