لاضاق صدرك عالي الصوت جره ...

05 / 07 / 2011, 23 : 12 PM

مماراق لى ...

مدخـل:~

المجلس اللي
يزعجك لا تمره !*
خله تراك بشوفته
منت مجبور !*

لآضاق صدرك عالي الصوت جره*
لو كان قلبك ما يطاوعك مسرور ~*

دنياك لو تسوى من الحِزن ذرّه*
ما كان تاليها توابيت وقبور !*

وما كان للكافر بعمره مسره*
وما شفت في ملكه ملايين وقصور !*

عمر يمضي بين حلوه ومره*
والموت حق وقابض الروح مأمور ~*

دام الحياه الفانيه مستقره*
ورزقك يجيك وبين الأجواد مستور ~*

لا تنشغل بالوقت برده وحره*
واحذر تصير بقسمة الناس مقهور*

وحكم القدر لاجاك خيره وشره*
أشكر عظيم الشان والذنب مغفور *

والمجلس اللي يزعجك لا تمره !*
خله تراك بشوفته منت مجبور !*

والرجل سقها في صحاصيح بره*
ومد النظر ما بين ريضان وزهور*

لا صار وجه القاع مافيه جره*
والمشي حافي والثرى تو ممطور *

ساعات صمتٍ ما وراها مضره*
تسوى الكلام اللي به إذنوب وإشرور ~*

أطلق خيالك وأترك النفس حره*
وخل الطبيعه في حياتك لها دور*

وبالليل لا بانت نجوم المجّره*
أذكر بديع الخلق ب إحـساس وشعور*

واسجد لرب الكون مره ومره*
وإحفظ لسانك وأترك الكذب والزور*

وفروض ربك خلها مستمره*
وطاعتك لا يدخل بها نقص وقصور ~

مخرج:~
ساعات صمتٍ
ما وراها مضره*
تسوى الكلام
اللي به إذنوب وإشرور ~*

منقوووووووووول