(ذكرياتي) للشاعرة عابرة سبيل

ذكريـــــــــــــاتي

تعال بشـرح لـك اناكـل مغلـوق = تعـال شاهـدنـي مــع ذكريـاتـي
لا لا يغرك لبس موضه ومسحـوق = انفض غبـار الوقـت تلقـي صفاتـي
قرب وطالع معّـن الشـوف بحـدوق = وزيف التطـور جـرده مـن حياتـي
بتشوف في وجهي من الماضي اطروق = أخذت من بطن الصحـاري صفاتـي
طفلـه بثـوب مخيطينـه ومفـتـوق = تنطـر جديـد الثـوب بالعيـد ياتـي
سمعت طرف اخبار عن كلمة السـوق = وتاخذ وتسـأل هـو وجـوده ثباتـي
طفلـه سحبهـا الوقـت للهم برفـوق = حتي انهـا صـارت مـن العاشقاتـي
وجار الزمان وعرض الحـب للعـوق = شـرق ركايبهـا وهــن مشمـلاتـي
واتلا عهدها فيـه يركـض ورا نـوق = مسرود جيب وفـي يدينـه عصاتـي
ويصد لكن يلتفـت لـي مـن الشـوق = عجـلان يلخصنـي بعيـنٍ تحـاتـي
وقفـى وخطواتـه يتـلـن معـلـوق = وخلانـي ماتنقـل عظامـي عبـاتـي
ودار الزمان ولا مشي الحظ بوفـوق = ومازلـت اخفي بالظـلام اعبراتـي
ولا زلت انا العب له علي كل طاروق = حتـي يجيـب الله مـوعـد وفـاتـي

ولا زلت انا العب له علي كل طاروق
..............حتي يجيب الله موعد وفاتي

رحم الله عابرة سبيل راحت وفقدها الشعر كلمات تكتب بماء الذهب تسلم ياصدوق المخايل ،،،

أخي صدوق المخايل/ { قصيدة حلوة وصور رائعة } الله يحفظك أنت من وين تجيب هالبلاوي وتقبل تحيات العالمي

عجلان( يلخصني ) بعين تحاتي ,,,,خلان ماتنقل عظامي عباتي