بــــرق الــقصـيد

أنا قلت ابسمر مع قصيدي وشب النار=قصايد لها عامين بالقلب مطبوعه
قصيد الوله والشوق والحب والتذكار=وقصيد العنا والهم والحزن وأللوعه
شرايد بنات أفكار راسي لها مقدار=عن الميل والهفوات والذم مرفوعه
أجيب القصيده واضحة ما عليها غبار=على القاف والطاروق ماهيب مجبوعه
ليامن كشف برق القصيد ونوى المحدار=سقا الغيث قافه وانفجر عذب ينبوعه
تصافق أبحور الشعر والغوص للبحار=ونا لاغطست بغبته جبت مصنوعه
اجيب الدرر من قاعت اليم والمحار=واغامر وادور ماندر شكله ونوعه
واحب القصيد اللي تفاخر به الشعار=رفيع مقامه يعجبك طرح موضوعه
جواهر نضمها الشاعر الماهر البيطار=على كيف ما يبغى تجي له على طوعه
واجنب هزيل القاف لاجاء بدون اعيار=واشيم قصيدي عن هقاويه ورموعه
واجود اخطام القيل لا يقرب المنشار=ترى غلطت الشعار ما هيب مرجوعه
ولا اسمع كلام مروج الهرج والثرثار=ولا اشيل هرجه لانتثر وسط مجموعه
على النية البيضا نويت أكمل المشوار=وعسى الله يوفق من نوى الخير مشروعه

مختارات عهود

	مختارات رائعة سلمتي عهود على هذا المجهود الطيب

الف شكر عهود على حسن الاختيار
نتمنى المزيد مستقبلا
تحياتي لك
النادر

شكرا على الاختيار الجيد وعلى التواصل ،،


تحياااااااااااتي

مشكورة اخت عهود على هذه الرائعة والتي اتحفتينا بها

وننتظر منك المزيد من الابداعات و المفاجأت المفرحة

تحياتي

اشكرك على القصيده الجميلة واتمنى لك الافضل مستقبلاً

ولكم تحياتي ،،،،


مراسلكم - دون كميلوووووووووووووووووووووو - جدة