يانجد صيفك لو ذبحني بحره

يانجد صيفك يقطع القلب حرّه= شتان مـا بينـك ومـا بيـن بيـروت
أقفى ربيعك بالفرح والمسرّه=وصيفك وصل بالعج والحـر والمـوت
جوٍ سموم القيـظ دايـم تكـرّه =وإليـا ركـد مـا كنـي إلا بتابـوت
وإليا لحقني فيك بعض المعرّه =إسمحلي أرحل عن فيافيـك بسكـوت
شهرين ابيها منك فالعام مرّه =ألبس بها البنطال والبـس بهـا الكـوت
آخذ على لبنان والشام فرّه =وآكـل مـن الرمـان والخـوخ والتـوت
وأشوف ناسٍ فالبلـد مستقـرّه = سـوو لهـم فيهـا مقاييـل وبيـوت
وأمر دربٍ قدمي الزين مرّه=ياكثر مـا شفتـه يجـي فيـه ويفـوت
زين وغنج وعيون حلوه وغرّه = يمشي على كيفه مع النـاس مفلـوت
كنّه غرير ولاش علمٍ يغرّه =لا خـاف مـن ربـه ولاهـوب مكبـوت
علقني بسحرة وخيرة وشرّه =سحرٍ ذكـر هـاروت شـرّه لمـاروت
وإليا إنتهى الميعاد بترك مقرّه = واعصي هوى قلبٍ منه صار مبهـوت
واحزم شناط العفش والثوب أزرّه=وارجع بشوقٍ من مدى شوق بخوت
ويانجد صيفك لو ذبحني بحرّه = حييت في حضنك وفي حضنك الموت

منقـــــــــــــــــــــــول

	ويانجد صيفك لو ذبحني بحرّه حييت في حضنك وفي حضنك الموت قصيده رائعه وبهيه ........ صح السانك ..... وسلمت اناملك على هذا النقل الرائع

شكرآ للاخ جيب على النقل والاختيار الجيد وعز الله انك صدقت صيفآ يقطع القلب حره ،، اشكر لك هذا التواصل ...



تحيااااااااااااااااتي

كما انت دائما متألّق في مشاركاتك وحتى في أسلوبك شكرا لك ونرجو تواصلك والله يحقق لك مرادك .