من بلده النعيريه الى فيضه أم المصران

بسم الله الرحمن الرحيم..

السلام عليكم ورحمه الله وبركاته..

النعيريه وما ادارك ما النعيريه كنا مع موعد مع بعض الرفقه يوم الخميس في بلده ام عقيلا او عقلا <-- نسيت الاسم
وبالتحديد بالقرب من الدحول المتواجده على خط الابراج الممسوح والمتجهه الى شويه وتبعد عن ام المصران ما يقارب 35كيلو متر
بعد النوم بها والتجول في اسواقها وشراء بعض المستلزمات اتجهنا الى فيضه ام المصران حيث كانت ما شاء الله مليئه بالسيول
التي هطلت عليها الاسبوع الماضي وقد اكتضت من المتنزهين ولكنها لم تسلم من التفحيط من المراهقين نسأل الله لهم الهدايه..

هذي بعض الصور لـ النعيريه واسواقها ..

****
***
**

ليله بارده والمبيت في ربوع النعيريه..






يقول الشاعر يا ماحلا شبه النار ومدري وش بعد هع قال والله الله



<--- اذا بغيت الشاي الصدق دوك هذا البريق الاسود ..
مع انه مضيق صدر بعض الناس بس شاهيه يطير في الراس..

طبعاَ يوم قمنا من النوم وبعد القهوه رحنا لسوق النعيريه الكبير وكل ما تحتاجه تلاقيه هناك..



شفت صناديق الفقع وقلت في نفسي كانها من ال300وجاي شريت لي كرتون..
وتفاجئت ان سعره 1300ريال الى 800ريال للكرتون الصغير..

طبعاَ قلت من المهبول الي بشريه بها القيمه>> اكيد هناك ناس ما تسأل ابد..





طبعاَ هذي مباسط النساء يقمن ببيع القرب والسمن والأقط وجميع مستلزمات الباديه تجده هنا,,



مرينا على سوق بيوت الشعر وقيمتها تتراوح بين 4 الاف الى 3 الى 12الف ريال

ولفت انتباهي هذي السياره القديمه .. >> يقول ليست للبيع يمكن يستعرضون بها..



المهم جبنا كم كيلو لحم مع كم كيلو كبده حاشي وانطلقنا لتزهيب الفطور..



بينما كان عبودي يجهز غي الفطور عدنا مره اخرى للتجول في بيوت الشعربس مالقينا غرضنا..



يم يم..





جهزت وحنا ما بعد جينا..بس لحقنا عليها قبل تبرد

***

طلعنا بعد ذالك واتجهنا لربعنا وتلاقينا بهم حسب الموقع والمكان..
وعند هذا الدحل استوقفنا سبحان الله من براء الفتحه صغيره ومن براء اكبر بكثير ..



وهذا دحل آخرومتعدد الفتحات..



خذي لي صوووره >>> ابشر ولا يهمك..



***

وصلنا لفيضه ام المصران والصراحه ما توقعت ان الكشاته فيها بها الكثروشلون اجل اذا ربعت..

وليتهم والله حموها بدال التفحيط والمشي في ارضها وهي مطينه..

ما صورت تفحيطهم بس شاهدته من بعد..

واسوقفنا هنا في هذا المكان الهادئ..









وفي الختام ليت والله نحافظ على البيئه ونهتم بها من جميع النواحي
وتذكر ان هناك اناس سيزورون هذاالمكان من بعدك..

تحياتي لكم..

ابــو حــمــد

تقرير رآئع كفيت ووفيت ... .
لفت أنتبآهي لسعر الفقع من 1300ريال الى 800ريال والله غآلي ونصفه ترآب !!
أم المصرآن شكلهآ خيآليه وآلأجوآء فيهآ روعه ..الله يجيب الخير والربيع ..
يعطيك العآفيه على التقرير وتسلم يمنآك على التصوير ..

روعة تسلم يعطيك الف عافية ياحلو البر ليتى معك ياماحلا شب النار والفكر سارح هع هع

ما شاء الله تبارك الله ...

بشرنا يا أبو حمد عسى في النعيرية مهرجان ربيعي هالسنة ..

وما شاء الله أم المصران مليانة ماء ..

خيره .. الله يجيب الربيع لهن ... وتضف لها خلق واجد ... وتفضي لنا جهاتنا اللي منا .. عقب ما تربع ..

الدحول شيء ثاني من معالم الصمان .. خصوصاً هاللي نزلتوا فيه ... شكله غرض الصيف ...

بيض الله وجهك ... كفيت ووفيت ..

مــآشآء الله

الله ياابووحمد ليتني معكم
الجوووو مرهـ رآيق ..
الله يجيب الخير فيهـــآ ..
وتصويرك مرهـ حلووووو ..
مــآقصصرت اخووووووي كفيت وفيت ..

::

بحفظ الـرحمــن ..

ماشاء الله كشته حلوه

تقرير مميز والصور كفيت ووفيت

بس هالفتحاات اللي في الارض مكشوفه ماهيب خطر يطيح الواحد فيها

تسلم يمينك ابو حمد على التقرير

يقول الشاعر يا ماحلا شبه النار ومدري وش بعد هع قال والله الله

صح لسانك يابو حمد وصح لسان الشاعر عزا الله انه شاعر بالحيل
تسلم على التقرير
تقبل مروري

اقتباس: المشاركة الأصلية كتبت بواسطة الراقيه    تقرير رآئع كفيت ووفيت ... . لفت أنتبآهي لسعر الفقع من 1300ريال الى 800ريال والله غآلي ونصفه ترآب !! أم المصرآن شكلهآ خيآليه وآلأجوآء فيهآ روعه ..الله يجيب الخير والربيع .. يعطيك العآفيه على التقرير وتسلم يمنآك على التصوير ..

ما يسوى بس يستغلون السياح هناك واكثرهم من دوله قطر والفقع هذا ليبي وجزائري..

وام المصران زينه بس لو يخفون الي يجونها شوي..

والله يعافيك يالراقيه وكل الشكر لحضورك..

تحياتي لك..

اقتباس: المشاركة الأصلية كتبت بواسطة ملاامح الخجل    روعة تسلم يعطيك الف عافية ياحلو البر ليتى معك ياماحلا شب النار والفكر سارح هع هع

الله يسلمك يا ملامح الخجل ويعطيك الف عافيه ولا يروح عاد الفكر ويسرح بعيد ثمين من يرجعه ..

كل الشكر لك..

اقتباس: المشاركة الأصلية كتبت بواسطة المهند    ما شاء الله تبارك الله ... بشرنا يا أبو حمد عسى في النعيرية مهرجان ربيعي هالسنة .. وما شاء الله أم المصران مليانة ماء .. خيره .. الله يجيب الربيع لهن ... وتضف لها خلق واجد ... وتفضي لنا جهاتنا اللي منا .. عقب ما تربع .. الدحول شيء ثاني من معالم الصمان .. خصوصاً هاللي نزلتوا فيه ... شكله غرض الصيف ... بيض الله وجهك ... كفيت ووفيت ..

والله ما مريت المهرجان وكانت الروحه مخططه لشي ثاني وهالمهرجان لي 3سنوات ما قد وافقته ابد

بس يبيلنا روحه يمه مخصصه السنه الي تجي ان الله كتبه..

وعسى الله يلهيهم فيها وتزين جهاتنا بس المشكله ما سال الا هي ومعها وحده ثانيه نسيت اسمها بس ما تسوى صغيره..

والدحول عدد وامش من كثرها بس الي نزلنا فيه فيه مكان وجلسه حلوه بس يبي تنظيف شوي,,

حياك يالمهند وكل الشكر الحضورك..