مريت بيت قديم

هذي القصيده لــِشأعر الكبير حــمد الــسعـيد انشاء الله تحوز على ارضاكم ..


مريت بيتـ(ن) قديم وجدد الذكريات * هو مسكني مو صباي لعقب وقت الزواج

جيتهـ ولاني بقايل هاكـ ابقول هات * بجمع اجارهـ مثل جمعة زكاة الخراج

قعدت فوحشهـ الجبلي على اول حصاة * مانيب يم القصيد بس بث فيني مزاج

قمت أتذكر زمانـ(ن) فيهـ قفى وفات * مابين دمعة عيون وضحكتـ(ن) وبتهاج

بالبيت هذا وفاة امي وبهـ عود مات * يالله عسى قبورهم خضرى وتنور سراج

هم والديني عظيمين الذكر والصفات * ياما سقونا زلالن والليالي هماج

ابوي ما والله اذكر شال بيدهـ عصاة * ياطيب هاكـ اليمين وحي هاكـ الهجاج

يتعب على قولة ونعمين اخذها وصاة * وامي لها ضحكتـ(ن) منها الهموم انفراج

اطيب من الطيب واطهر جنس بالطاهرات * كم من ضعيفـ(ن) تزبن في ذراها ولاج

ياكثر ما شفتها في ضف ثوب الصلاة * في تربيتنا حشى ما قالوا فلان باج

يالله ثبت خطوايهم بحسن الثبات * واغفرلهم في نهار(ن) بين هالكـ وناج

يابيت رجعتني للخلف عشر سنوات * والفكر طير(ن) ضربها حومتينـ(ن) وراج

متذكر(ن) يوم هالدنيا على المشتهات * لا شان وجهـ الزمن يستاسعنلي فجاج

من كف منهم يحثون الولد للصلاة * " معروفهم , طيبهم " يبقى على الراس تاج

متذكر(ن) يوم هي جمعهـ ولامن شتات * يوم ان الأيام حلوهـ والأماني هجاج

من قبل ما ينعزل حق الولد والبنات * يوم ان الأنفس بياض وبينهم اندماج

شف هالزمن وين فرقنا على اربع جهات * ياطيب منهو يزور ولا عليهـ انحراج

يابيت ما والله انسى وانت كلكـ حياة * من بابكـ الي على الشراع لي باب الكراج

بالحوش هذا زفاف وضحكـ ومناسبات * وهنااااكـ قلبي تكسر مثل كسر الزجاج

بكـ انولد طفل وبكـ اغلى الخلايق وفاة * وفيكـ امطرت مزن فرحهـ واكتفاها عجاج

غلاكـ عندي يعادل لاين مجمعات * لوهو بكيفي تبطي ما دخلت الحراج

يفداكـ حي النسيم وشارع المرسلات * ولي تبي فدوتـ(ن) لو كان فيها احتجاج

يابيت لي فيكـ ذكرى واجمل الذكريات * الله اكبر ولا كن القدم فيكـ داج

وســـلأمتكـم .

أبيآت رآئعه جداً ,,
يعطيك العافية

،

بالبيت هذا وفاة امي وبهـ عود مات
يالله عسى قبورهم خضرى وتنور سراج
يـِ آه جبتهآ على الجرح ِ
آبيآت ِ رآئعة
لاهنت

|| . . .

اقتباس: المشاركة الأصلية كتبت بواسطة الراقيه    أبيآت رآئعه جداً ,, يعطيك العافية

الله يعافيك يارب ويستر عليك
تحياتي لك ..

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    ، بالبيت هذا وفاة امي وبهـ عود مات يالله عسى قبورهم خضرى وتنور سراج يـِ آه جبتهآ على الجرح ِ آبيآت ِ رآئعة لاهنت || . . .

الروعه مرورك اختي الوفاء بنت دمتي بصحه وعافيه

تحياتي لك..

كلمات روعه
يعطيك العافيه

اقتباس: المشاركة الأصلية كتبت بواسطة وردهـ    كلمات روعه يعطيك العافيه

الروعة مرورك اختي وردهـ

تحياتي لك ..

يسلمووو ياخووي على رووعتها ومعروف حمد السعيد مايحتاج ماشاءالله

اقتباس: المشاركة الأصلية كتبت بواسطة ريسوو    يسلمووو ياخووي على رووعتها ومعروف حمد السعيد مايحتاج ماشاءالله

العفو ياريسوو منور الصفحه يالغالي
تحياتي لك ..