|
|
هَمْس الْقَـgافِــي مآتغترفه ذوائقگم من بحور الشعر |
آخر 10 مشاركات |
|
أدوات الموضوع |
15 / 04 / 2005, 02 : 02 PM | #1 |
ضيف تمير
|
وصف غير معقول للصالون
أقدم لكم هذه القصيدة الجميلة جداً آمل ان تنال رضاكم ولا تسألوني من صاحبها
بدين باسم مكوّن الكون تكوين=المنفرد والمتّحد في كيانه
رب الحجر رب الشجر والثقلين=مرسل محمد وامراً باتبعانه اللي عباده له صياماً مصلين=يرجون رحمة ربّهم وامتنانه وعطفه ولطفه لاغدى الخلق نصفين=ويشهد على الإنسان حتى بنانه ياناصر الرسول في بدر وحنين=وياجاعل لسان البشر ترجمانه انت المعين ولاحداً غيرك معين=ومن بعد ذكرك كل شي باوانه ياراكب اللي من حديده قزوزين=تو ودبل زيرو وون صدرانه صدّر خلال إنتخابات الزعيمين=قدام بوش الإبن يكسب رهانه وقبل إستلام البيت الابيض بشهرين=ومجلس شيوخه وانظمة برلمانه جي إم سي حروف ورموز تبيين=فالمصنع اللي صممّه والصيانة أحدث موديل بتكنلوجا الصوالين=والله عطى اللي يصنعونه اتقانه إليا سرى ماضاً من الليل ثلثين=وولّع مصابيحه وولّع سكانه كن الجميحيه شموع المحبين=في عيد ميلاد اوقده شمع دانه وكن إشتغاله هرجة بين ثنتين=يخفنّها بين الخجل والّلعانة يشبه إلى قام يتمشّى على هوين=مشي الفتاه المترفه بامشيانه وإليا عطى مردومة كنّها قين=وقام يغنج بجهود كن غنجانه شريفة في حفل ناسً شريفين=ترقص على ياليلدانه لدانه تلف وتهزّ الخصر والذراعين=ومن راسها ماطاحت الإستكانة إلى مشى من نجد بين الصلاتين=مايصبح إلا في حدود الكنانة يصرخ بعنف إذا اخذ شويّ بنزين=مثل صراخ صغيّراً فالحضانة كن الحصى على حصاه وحصاتين=يفرّ من حدره فرير السمانة حدّه على قصياه ياسايقه لين=تعزف قزوزه مثل عزف الكمانه ويخلّي العادم بروس الشكامين=غليون حشّاشاً براسه شطانه كنًه بتفكيره يحرر فلسطين=ومستيسر شارون بالخيزرانه |
|
15 / 04 / 2005, 20 : 05 PM | #2 |
VIP
|
ما شا الله
وين الجميح عن هالقصيده هذي دعايه مجااااانيه مشكووووووووووووووووووووور سلام |
|
15 / 04 / 2005, 53 : 09 PM | #3 |
تميراوي سوبر
|
قصيده روووووووعة تسلموووووووا عليها |
|
16 / 04 / 2005, 00 : 03 PM | #4 |
عضو مجلس ادارة المنتدى
|
مشكور
بس العنوان غير المضمون قصيدة جميلة |
|
17 / 04 / 2005, 41 : 02 PM | #5 |
ضيف تمير
|
اشكركم على التواصل وللمعلومية انا نزلت قصيدتين في الصالون والجيب بس وحده اختفت وتلخبط العنوان بين الثنتين والسلام
|
|
20 / 04 / 2005, 54 : 04 PM | #6 |
المشرف العام
مؤسس منتديات تمير |
تسلم اخوي الحطيئة وتستاهل التميز نريد المزيد من القصائد الحلوه
اخوك النادر |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|
|