عيونك اللي قلوب الناس تاسرها

كلمة سلام وصباح الخير كثّرها=ترى لها وقعها في نفس مجنونك
ودي تروح وتجي حتى تكررها=مامل منها ولابمشاهد عيونك
عيونك اللي قلوب الناس تاسرها=من شافها تفتنه ويصير مفتونك
موتي ونا حي تستوطن محاجرها=مابيني وبينها الا غمضة جفونك
شبكتني شبكةً مدري وش آخرها=ونا تركت الجميع وقلت ممنونك
سلمتك الروح تنهاها وتامرها=ياللي خوانك على زينك يحسدونك
لك صورة برهنت عظمة مصورها=ازريت اوصفك واتخيلك وش لونك
ولك هيبة ماتخليني اناظرها=ارفع لك الشوف بس يطيح من دونك
ابطيت وانا المشاعر عنك ساترها=وانته تبختر وتاخذني على هونك
واليوم جتك المشاعر هي وشاعرها=متقاسمين الوجل وش لون يرضونك؟
كلي أمل ماتجي مكسور خاطرها=وانا اوعدك ماتخونك فيّه ظنونك
والا اعتذر وارفض الأشواق وانكرها=وارتح وخلّه يزيد هبال مجنونك

رائعهههههههههههههههههههههههههه

انت ملك الروائع
تستحف التثبيت