قصيدة الشاعر عزام في حفل العيد 1430هـ

23 / 09 / 2009, 36 : 04 PM

قصيده الشاعر عزام الخريف في حفل معايده اهالي تمير بعيد الفطر المبارك 1430هـ


	دارنا يادارنا ياعسى عيدك يعود في ظلال ملوكنا اللي بنوا سيسانها دارنا حنا لها ما يفرقنا الحسود ربنا اللي عزها رافعا ً من شانها عيدي ياديرة العز يادار السعود دام ابو متعب ظلاله على سكانها فاللوازم ياطويل العمر حنا جنود نعتزي باخوان نوره وحنا ايمانها ياملكنا ياذرانا معك نرقى سنود ابشر بعزك ليامن سكر دخانها دام ابو خالد عضيدك وحامي للحدود السفينه ما عليها وهو ربانها دون داره ما توانا وهو عنها يذود ياعسى ربي يعافيك يا سلطانها والأمن في ظل نايف وبالله معقود الفتن بإرادة الله كسر جنحانها ما تزعزعه الحوادث ولا فعل الحقود واليدين اللي تطاول وطى ذرعانها واحمد الله يوم سلم الاسد ولد الاسود الله اللي حصّنه من فعل شيطانها كلنا لك يامحمد وتحماك الزنود فدوتك روس الرجاجيل فوق أمتانها بعدها يامرحبا مرحبا عد الرعود بالتمارى لابتي فالوغى فرسانها أعرضوا بالسيف وانتم هله بين الحشود لادعى الداعي نلبي على ميدانها الكرم من طبعنا ريح هيل وريح عود والمراجل سلمنا من قديم ازمانها وارثين الطيب مبطي ومن عهد الجدود ما تغيرنا الليالي وجور اكوانها ان تجمعنا على العز والعز محمود بارك الله فالذي لم شمل اخوانها الرجال اللي لهم وقفة ٍ تبري الكبود مثل ابن سلطان يومه وقف من شانها اشهد انه شيخ ما في الحكي والهرج فود من يمــينه عــز داره وشــــد عـنانها بحر جوده مالقينا مثل بحره وجود القـــصايـد كــلها بيــحت قــيفـانــها انت غيث ٍ مالحق فعلك الطيب جحود والفعول الطيبه ما خفى برهانها اليتامى والارامل دعت لك فالسجود يالله انك ترزقه من نعيم جنانها يابوعبدالله ترى تمير في مثلك تسود لك غلا في قلوب اهلها وبين اعيانها ولانسيت اللي بذل لجلها كل الجهود ذاك ابو أحمد لا دعم يختلف ميزانها رايته بيضاء ولاهيب تحتاج لشهود وقفته مبـطي وهـي بـيّن عـنوانـها وان ذكر سعد الصنيتان فانعم به وزود دون واجب ديرته ما يحسب اثمانها مرخص ٍ من حر ماله ومن جوده يجود لاعدمنا الغيـمه اللي تهل امزانها والثنا ينساق لك يابو ناصر ومعدود دام ابن مناع يمناه تصخي احسانها وقفة ٍ تذكر وتشكر ولافيها صدود من بغى درب المراجل فتح بيبانها بارك الله في فعول النشاما والجهود سمعة ٍ بالطيب ذاعت مابين اوطانها أعرضوا بالسيف وانتم هله بين الحشود لا دعى الـداعي نلبي على ميدانها